قازاقستان مەن رۋمىنيا اراسىندا قاتىنايتىن اۋە رەيستەرىنىڭ سانى ارتادى
بۇل تۋرالى قازاقپارات ق ر يندۋستريا جانە ينفراقۇرىلىمدىق دامۋ مينيسترلىگىنىڭ باسپا ءسوز قىزمەتىنە سىلتەمە جاساپ حابارلايدى.
كەزدەسۋگە سونداي-اق ازاماتتىق اۆياتسيا كوميتەتىنىڭ ءتوراعاسى تالعات لاستايەۆ، رۋمىنيانىڭ ازاماتتىق اۆياتسيا باسقارماسىنىڭ باس ديرەكتورى نيكول ستويكا جانە «قازاقستاننىڭ اۆياتسيالىق اكىمشىلىگى» ا ق باس ديرەكتورى كاتالين رادۋ قاتىستى.
كەزدەسۋ بارىسىندا تاراپتار اۋە، كولىك، تەمىر جول جانە تەڭىز سالالارىنداعى ءبىرقاتار ماسەلەلەردى تالقىلاپ، بارلىق كولىك تۇرلەرى بويىنشا ىنتىماقتاستىقتى ودان ءارى دامىتۋعا دايىن ەكەندىكتەرىن ءبىلدىردى. سونداي-اق قوزعالعان ماسەلەلەر بويىنشا ساراپتامالىق جۇمىس توپتارىن قۇرۋعا كەلىستى.
ازاماتتىق اۆياتسيا كوميتەتىنىڭ ءتوراعاسى ت. لاستايەۆ جانە رۋمىنيانىڭ كولىك جانە ينفراقۇرىلىم مينيسترلىگىنىڭ مەملەكەتتىك حاتشىسى ب. ميندرەسكۋ قازاقستان مەن رۋمىنيا اۆياتسيالىق بيلىك ورىندارىنىڭ اراسىنداعى ءوزارا تۇسىنىستىك تۋرالى مەموراندۋمعا قول قويدى. قۇجاتقا سايكەس ەكى ەلدىڭ اۋەكومپانيالارىنا ەكى ەل اراسىندا ءار تاراپتان ۇشاقتىڭ كەز-كەلگەن تۇرىندە اپتاسىنا 14 رەيس ورىنداۋ قۇقىعى بەرىلدى (7 جولاۋشى جانە 7 جۇك اۋە كەمەسى).
سونداي-اق، «اشىق اسپان» رەجيمى اياسىندا قازاقستاندىق تاراپ رۋمىن تاراپىنا قازاقستانعا ۇشۋلاردى 5 دارەجەلى «اۋا ەركىندىگىن» پايدالانا وتىرىپ جاساۋدى ۇسىندى.
ماسەلەن، 2020-جىلدىڭ باسىندا رۋمىندىق «Blue Air» اۆياكومپانياسى بۋحارەست - نۇر-سۇلتان باعىتى بويىنشا ۇشۋلاردى باستاۋدى جوسپارلاعان بولاتىن. الايدا، كوروناۆيرۋس ينفەكسياسىنىڭ تارالۋىنا بايلانىستى بۋحارەست - نۇر-سۇلتان باعىتى بويىنشا رەيستىڭ اشىلۋى بەلگىسىز مەرزىمگە قالدىرىلعان بولاتىن.
سونىمەن قاتار، رۋمىنيانىڭ ازاماتتىق اۆياتسيا باسقارماسىنىڭ باس ديرەكتورى نيكول ستويكا مەن «قازاقستاننىڭ اۆياتسيالىق اكىمشىلىگى» ا ق كاتالين رادۋ تەحنيكالىق ىنتىماقتاستىق تۋرالى كەلىسىمگە قول قويدى.
«كەزدەسۋ قورىتىندىسى بويىنشا تاراپتار قازاقستان مەن رۋمىنيا اراسىنداعى تىكەلەي تۇراقتى رەيستەردى ىسكە قوسۋعا بايلانىستى جۇمىستاردى جالعاستىرۋعا كەلىستى»، - دەلىنگەن حابارلامادا.
