ق ر پرەزيدەنتى كاۆكاز مۇسىلماندارى باسقارماسىنىڭ توراعاسىمەن كونفەسسياارالىق ديالوگ ماسەلەسىن تالقىلادى
قازاقپارات بۇل تۋرالى اقورداعا سىلتەمە جاساپ حابارلايدى.
كەزدەسۋدە كونفەسسياارالىق ديالوگ حالىقارالىق قاۋىمداستىقتى بىرىكتىرۋ جولدارىن بىرلەسىپ ىزدەۋدىڭ ماڭىزدى قۇرالى ەكەنى ايتىلدى.
قاسىم-جومارت توقايەۆ الەمدىك رۋحاني كوشباسشىلار سەزىنىڭ قورىتىندىسى جاھاندىق سىن-قاتەرلەرگە بىرلەسە قارسى تۇرۋعا ىقپال ەتىپ، ۇلتارالىق كەلىسىمدى، بەيبىتشىلىك پەن تۇراقتىلىقتى نىعايتۋعا ەلەۋلى ۇلەس قوساتىنىنا سەنىم ءبىلدىردى.
سونداي-اق مەملەكەت باسشىسى باۋىرلاس قازاقستان مەن ازەربايجان حالىقتارى اراسىنداعى دوستىق پەن ىنتىماقتاستىق بايلانىستارىن نىعايتۋدىڭ ماڭىزدى ەكەنىن اتاپ ءوتتى.
كاۆكاز مۇسىلماندارى باسقارماسىنىڭ ءتوراعاسى قاسىم-جومارت توقايەۆتىڭ جۋىردا باكۋگە ساپارىنىڭ قورىتىندىسىنا وڭ باعا بەردى. بۇدان بولەك، قازاقستاننىڭ دىندەر مەن ورتكەنيەتتەر ديالوگىن دامىتۋعا ايتارلىقتاي ۇلەس قوسقانىن اتاپ ءوتتى.
