باعدات مۋسين الاياقتاردىڭ قوڭىراۋىنان قازاقشا سويلەپ قورعاناتىنىن ايتتى

بۇل تۋرالى ۆەدومستۆو باسشىسى باعدات مۋسين ۇكىمەت كۋلۋارىندا ب ا ق وكىلدەرىنىڭ ساۋالىنا بەرگەن جاۋابىندا ايتتى، دەپ حابارلايدى قازاقپارات ءتىلشىسى.

«الاياقتار ادەتتە شەتەلدەن قوڭىراۋ شالادى. ءبىراق قازاقستاندىقتارعا وتاندىق نومىرلەر كورىنەدى. ادەيى اۋىستىرىپ جىبەرەدى. سوندىقتان جۇيەلەر شەتەلدىك قوڭىراۋلاردى وقىپ، ولاردى بۇعاتتايتىن بولادى. تەلەكوم- وپەراتورلارمەن بىرلەسىپ، اۋىستىرىلعان نومىرلەردى بۇعاتتاۋ ءۇشىن جۇمىس جۇرگىزىپ جاتىرمىز»، - دەدى مينيستر.

ايتۋىنشا، ۇيالى بايلانىس قىزمەتىن ۇسىناتىن ەكى وپەراتور وسىنداي تەحنولوگيانى تەستىلەۋدەن وتكىزىپ كورگەن. بارلىق قاجەتتى جۇمىستار جۇرگىزىلگەننەن كەيىن جۇيە بىرىكتىرىلىپ، ىسكە قوسىلماق.

«سونىمەن بىرگە ستاتسيونارلىق تەلەفوندار ارقىلى دا الاياقتاردىڭ جولىن كەسۋ ءۇشىن «قازاقتەلەكوممەن» بىرگە جۇمىس باستاۋ جوسپارلانىپ وتىر»، - دەدى ۆەدومستۆو باسشىسى.

سونداي- اق مينيستر الاياقتار وزىنە دە حابارلاسقانىن ايتتى.

«ءيا، ماعان دا قوڭىراۋ شالعان. ونداي قوڭىراۋلارعا بەرەتىن جاۋابىم قاراپايىم. قوڭىراۋ تۇسكەن بويدا قازاقشا جاۋاپ بەرەمىن، ولار تۇتقانى قويا سالادى»، - دەدى باعدات مۋسين.

اۆتور

ەسىمجان ناقتىباي

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى