جوعارى وقۋ ورىندارى ەندى جاڭا ماماندىققا قابىلداناتىن ستۋدەنتتەرگە جاتاقحانا بەرۋگە مىندەتتەلەدى
بۇل تۋرالى عىلىم جانە جوعارى ءبىلىم ءمينيسترى ساياسات نۇربەك ۇكىمەت كۋلۋارىندا ب ا ق وكىلدەرىنىڭ ساۋالىنا بەرگەن جاۋابىندا ايتتى.
«تاعى دا ءبىر جۇيەلى شارا بار. ەندى ليتسەنزيالاۋعا ءوتىنىم بەرەتىن جوعارى وقۋ ورىندارى، جەكە مەنشىك بولسىن، مەملەكەتتىك بولسىن، كەز كەلگەن جاڭا ماماندىقتى اشۋ ءۇشىن نەمەسە جاڭا ليتسەنزيانى الۋ ءۇشىن مىندەتتى شارت قويىلادى. 100 ادامعا ليتسەنزيا ءوتىنىمىن بەرە مە، وندا سول 100 ادامعا جاتاق ح انا ورىنىن قامتاماسىز ەتۋى كەرەك. وسى جىلدان باستاپ زاڭنامالىق تۇردە سونداي شارتتار ەنگىزىلدى، شەكتەۋ قويىلدى»، - دەدى مينيستر.
سونداي-اق ول 2026 -جىلعا دەيىن ەلدەگى ستۋدەنتتەردىڭ باسىم بولىگىن جاتاقحانامەن قامتاماسىز ەتىلەتىنىن اتاپ ءوتتى.
«بۇل ۇلكەن جۇيەلى ماسەلە. مەملەكەت ونى ءوز ەسەبىنەن تولىققاندى شەشە المايدى. سوندىقتان ءبىلىم مينيسترلىگىنىڭ جانىنداعى قارجى ورتالىعىمەن بىرلەسىپ، جەكە ينۆەستورلارمەن، قۇرىلىس كومپانيالارىمەن، مەردىگەرلەر تىكەلەي جۇمىس ىستەپ جاتىرمىز. ولارعا ارنايى التى جىلدىق شارتتار بەرەمىز. ياعني، قارجى مودەلىن ۇسىنامىز. سول قارجى مودەلىمەن 2026 -جىلعا دەيىن ستۋدەنتتەردىڭ 60-70 پايىزىن جاتاقحانامەن قامتاماسىز ەتەمىز»، - دەدى ساياسات نۇربەك.
