جاڭاارقادا اقسەلەۋ سەيدىمبەك اتىنداعى رەسپۋبليكالىق جىر ءمۇشايراسى ءوتتى
بۇل تۋرالى وڭىرلىك اكىمدىكتىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.
جەرگىلىكتى قۇزىرلى ورگان مالىمەتىنشە، ءمۇشايرادا ەلىمىزدىڭ ءار ايماعىنان كەلگەن اقىندار ەكى تاقىرىپ بويىنشا ءوز تۋىندىلارىن وقىعان. ولار بايقاۋدىڭ العاشقى كەزەڭىندە ولەڭىنە ا. سەيدىمبەكتىڭ ءومىرى مەن ونەگەسىن ارقاۋ ەتسە، كەلەسى كەزەڭدە ەركىن تاقىرىپتا جازىلعان شىعارمالارىن ۇسىندى.
جەڭىمپازدار مەن جۇلدەگەرلەر قۇرامىنا ەلىمىزگە بەلگىلى زيالى قاۋىم وكىلدەرى مەن ءوڭىردىڭ قالامگەرلەرى ەنگەن قازىلار القاسىنىڭ شەشىمىمەن انىقتالدى.
سايىس قورىتىندىسى بويىنشا، باس جۇلدەنى اقتوبە وبلىسىنان كەلگەن اقىن ازامات ءابىلقايىر جەڭىپ الدى. I ورىندى ەلوردالىق جانىبەك ءاليمان ەنشىلەسە، II ورىن الما اقىلباي قىزىنا بۇيىردى. ال Ⅲ ورىندى تۇركىستاندىق باتىرحان سارسەنحان مەن قاراعاندىلىق جالەل قۋاندىق ۇلى جەڭىپ الدى.
ءمۇشايرا جەڭىمپازدارى ديپلوم جانە اقشالاي سىياقىلارمەن ماراپاتتالدى. سونىمەن قاتار، 4 اقىن سايىستىڭ ارنايى جۇلدەلەرىنە يە بولدى.
