الماتىدا بەينەباقىلاۋ جۇيەسىنە ادامنىڭ بەت-الپەتىن تانۋ قىزمەتى ەنگىزىلەدى
«الماتى قالاسىن 2025-جىلعا دەيىن دامىتۋ جانە 2030-جىلعا دەيىنگى ورتا مەرزىمدى پەرسپەكتيۆالار باعدارلاماسىندا» كۇنى بۇگىنگە دەيىن بەينەباقىلاۋمەن قامتىلماعان الەۋمەتتىك وبەكتىلەرگە 7 مىڭ بەينەباقىلاۋ كامەراسىن ورناتۋ قاراستىرىلعان.
«جاۋاپتى جانە حابار-وشارسىز كەتكەن ادامداردى ىزدەستىرۋ كەزىندە جەدەل ارەكەت ەتۋ، اۋەجايدا، ۆوكزالداردا جانە ادام كوپ شوعىرلاناتىن ورىنداردا قاۋىپسىزدىكتى قامتاماسىز ەتۋ ءۇشىن 2026-جىلدان باستاپ بەينە تالداۋ جانە بەت-الپەتتى تانۋ فۋنكتسياسى بارلىق بەينەباقىلاۋ جۇيەلەرىنە بىرىكتىرىلەدى»، - دەپ حابارلادى اكىمدىكتەن.
سونداي-اق 2027-جىلعا قاراي بەينەباقىلاۋ جۇيەسى تەرروريستىك تۇرعىدان وسال نىسانداردىڭ بارىنە جانە كوپقاباتتى تۇرعىن ءۇي كەشەندەرىنىڭ اۋلالارىنا كامەرالار ورناتۋ ارقىلى كەڭەيتىلەدى.
«بەينەسۋرەت پوليتسيا دەپارتامەنتىنىڭ جەدەل باسقارۋ ورتالىعىندا كورسەتىلەدى. بۇل ءتۇتىندى، ءورتتى، قاراۋسىز قالعان نىسانداردى تانۋ سياقتى ىقتيمال قاۋىپتەردىڭ بار-جوعىن قاداعالاۋعا جانە ولارعا جەدەل ارەكەت ەتۋگە مۇمكىندىك بەرەدى»، - دەپ اتاپ ءوتتى اكىمدىكتىڭ باسپا ءسوز قىزمەتى.
