الماتىدا رەسەيدىڭ ۇلتتىق يادرولىق زەرتتەۋ ۋنيۆەرسيتەتىنىڭ فيليالى اشىلدى
قازۇۋ- دىڭ باسپا ءسوز قىزمەتىنە سىلتەمە جاساپ.
ءىس- شاراعا ق ر عىلىم جانە جوعارى ءبىلىم ءمينيسترى ساياسات نۇربەك، ر ف عىلىم جانە جوعارى ءبىلىم ءمينيسترىنىڭ ورىنباسارى ناتاليا بوچاروۆا، «م ي ف ي» ۇلتتىق يادرولىق زەرتتەۋ ۋنيۆەرسيتەتىنىڭ رەكتورى ۆلاديمير شيەۆچەنكو، ق ر ەنەرگەتيكا مينيسترلىگى يادرولىق فيزيكا ينستيتۋتىنىڭ باس ديرەكتورى سايابەك ساحيەۆ، «قازاتومونەركاسىپ» جانە «روساتوم» كومپانيالارىنىڭ وكىلدەرى، جوعارى وقۋ ورىندارىنىڭ پروفەسسورلارى مەن ستۋدەنتتەرى قاتىستى.
بىرلەسكەن جوبا پرەزيدەنت قاسىم- جومارت توقايەۆتىڭ العا قويعان رەسەيدىڭ وزىق تەحنيكالىق جوعارى وقۋ ورىندارى فيليالدارىن قۇرۋ تۋرالى ستراتەگيالىق مىندەتىن ورىنداۋ اياسىندا جۇزەگە اسىرىلىپ جاتىر.
«م ي ف ي- مەن ارىپتەستىك قولدانبالى عىلىم سالاسىنداعى ىنتىماقتاستىق ءۇشىن جاڭا دامۋ نۇكتەسى بولادى دەپ ۇمىتتەنەمىز. فيليالدىڭ قۇرىلۋى سالانى «يادرولىق ەنەرگەتيكا جانە تەحنولوگيالار»، «ينفورماتيكا جانە ەسەپتەۋ تەحنيكاسى» ماماندىقتارى بويىنشا بىلىكتى كادرلارمەن قامتاماسىز ەتە وتىرىپ، ەلدە يادرولىق ەنەرگەتيكانىڭ دامۋىنا جاڭا سەرپىن بەرەدى. ءبىز «م ي ف ي» ۇ ي ا ز ۋ فيليالى شاعىن جوبادان ماڭىزدى، اۋقىمدى، وڭىرلىك، مەملەكەتارالىق وندىرىستىك ورتالىققا اينالۋى ءۇشىن بار كۇشىمىزدى سالامىز»، - دەدى عىلىم جانە جوعارى ءبىلىم ءمينيسترى ساياسات نۇربەك قۇتتىقتاۋ سوزىندە.
ر ف عىلىم جانە جوعارى ءبىلىم ءمينيسترىنىڭ ورىنباسارى ناتاليا بوچاروۆا بۇل قازاقستانداعى رەسەيلىك جوعارى وقۋ ورىندارىنىڭ العاشقى فيليالى، فلاگمانى ەكەنىنە ءمان بەردى.
«جوبا بۇرىن- سوڭدى بولماعان قىسقا مەرزىمدە جۇزەگە اسىرىلدى. تەحنيكالىق جوعارى وقۋ ورنىنىڭ قىزمەتىن شەتەلدە ۇيىمداستىرۋ وتە قيىن، سوندىقتان مەن «ميفي» ۇلتتىق يادرولىق زەرتتەۋ ۋنيۆەرسيتەتىنىڭ رەكتورى ۆلاديمير شيەۆچەنكوعا جانە ءال- فارابي اتىنداعى قازۇۋ رەكتورى جانسەيىت تۇيمەبايەۆقا فيليالدىڭ اشىلۋى اياسىندا اتقارعان وراسان زور جۇمىسى ءۇشىن شىن جۇرەكتەن العىس ايتامىن»، - دەدى مينيستر ورىنباسارى.
قاتىسۋشىلار جيىن سوڭىندا ءال- فارابي اتىنداعى قازۇۋ بازاسىندا اشىلعان «م ي ف ي» ۇلتتىق زەرتتەۋ يادرولىق ۋنيۆەرسيتەتى فيليالىنىڭ ەستەلىك تاقتاسىنا قول قويدى. سونداي- اق قۇرمەتتى قوناقتار ۋنيۆەرسيتەتتىڭ فيزيكا- تەحنيكالىق فاكۋلتەتىندە بولىپ، جاڭا فيليالدىڭ اۋديتورياسىن ارالادى.
