نۇر-سۇلتاندا شاڭعى بازاسى سالىنادى
«كەيىنگى جىلدارى بىزدە شاڭعى بازاسىنا بايلانىستى ۇلكەن ماسەلە قالىپتاسىپ وتىر. ءوزىمىزدىڭ بازامىز بولعان جوق.
«استانا پارك» جەكە مەنشىك نىسان بولعاندىقتان، بىزگە جالعا بەرىپ كەلدى. ول بازا شاڭعى سپورتىنا ماماندانباعاندىقتان، سپورتشىلارعا جاعداي جاسالماعان. بۇل ماسەلە اكىمدىك دەڭگەيىندە كوتەرىلدى، ارنايى جەر تەلىمى بولىنەتىن بولدى. جوبالىق- سەمتالىق قۇجاتتاماعا جوباسىن ۇسىندىق. كەلەسى 2023 -جىلى ءبىزدىڭ ءوز شاڭعى بازامىز بولادى دەپ ويلايمىن»، - دەدى باسقارما باسشىسى.
ايتۋىنشا، استاناعا ءبىر عانا شاڭعى بازاسى ازدىق ەتەدى.
«ورنى ءالى ناقتىلانعان جوق. نەگىزى جاڭادان ونداي نىسان سالۋ ءۇشىن ۋاقىت كەرەك. ءبىر عانا بازا از بولادى. ويتكەنى بۇل بۇقارالىق سپورت تۇرىنە جاتادى. قىستا جىل سايىن «بۇرقاسىن» ماۋسىمىن اشامىز. شاڭعى سپورتى استانامىزدا جاقسى دامىپ كەلەدى. سپورتشىلارىمىز چەمپيوناتتاردا ءساتتى ونەر كورسەتىپ ءجۇر»، - دەدى سامات جىلقىبايەۆ.
