عالىمدارى ماسكانىڭ ارعى جاعىنان ەرىندەردى «وقيتىن» ەستۋ اپپاراتىن ويلاپ تاپتى - ۆيدەو

بۇل جايىندا islam.kz پورتالى Study Finds اقپارات كوزىنە سىلتەمە جاساي وتىرىپ ءمالىم ەتەدى.

بۇل ءۇشىن جاساندى زەردە تەحنولوگياسى قولدانىلادى - رادار ەرىن قيمىلىن سكانەرلەۋدەن وتكىزىپ، ەرىن قيمىلىنىڭ قانداي دىبىسقا ءتان ەكەنىن انىقتايدى. اتالمىش اپپاراتتىڭ ماسكاسىز، ياعني، اشىق ەرىننەن وقۋ دالدىگى - %95، جابىق، ياعني، ماسكانىڭ ارعى جاعىنان وقۋ دالدىگى - %83 دى قۇراعان.

بۇل قۇرىلعى دىبىستى كۇشەيتۋدىڭ ءداستۇرلى تەحنولوگياسىن دا پايدالانادى. اپپارات-سكانەر ادامدارعا قالىپتى جاعدايدا دا، شۋلى ورتادا دا جاقسى ەستۋگە كومەكتەسەدى. دەسە دە ساراپشىلاردىڭ پىكىرىنشە، مۇنداي تەحنولوگيا جاسىرىن باقىلاۋ كامەراسىن پايدالانۋ سەكىلدى ارام ماقساتتا پايدالانىلۋى مۇمكىن، ماسەلەن، اڭدۋداعى ادامنىڭ نە دەگەنىن ءبىلۋ ءۇشىن.

بۇل تەحنولوگيانىڭ ادامنىڭ جەكە ومىرىنە قول سۇعاتىن قاتەرىن جوققا شىعارمايدى. وسى ورايدا ادامزاتتىڭ شامامەن %5 نىڭ (430 ميلليون ادام) ەستۋ قابىلەتى بۇزىلعانىن ايتا كەتپەكپىز. بۇل ەستۋ اپپاراتى ولاردىڭ تولىققاندى ءومىر ءسۇرۋ ساپاسىن جاقسارتۋ باعىتىندا ەلەۋلى يننوۆاتسيالىق قادام بولماق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى