اۋادان وتىن وندىرەتىن قۇرىلعى پايدا بولدى
قيىندىق مىنادا: كۇردەلى تەحنولوگيا ەلەمەنتتىڭ جەتكىلىكتى مولشەرىن ءوندىرۋ، سونداي-اق، تازا تۇششى سۋدى «وقشاۋلاۋ»، ياعني، تۇششى سۋدى ءبۇلدىرىپ الماۋ ءۇشىن قاجەت. دالىرەگى، سۋتەگىن ءوندىرۋ مەن تۇشى سۋدى قالپىندا ساقتاۋ تىم كۇردەلى تەحنولوگيانى قاجەت ەتەدى.
بۇل جايىندا islam.kz پورتالى اتالمىش زەرتتەۋ ماتەريالى جاريالانعان Nature Communications مەرزىمدى باسىلىمىنا سىلتەمە جاساي وتىرىپ ءمالىم ەتەدى.
مانچەستەر ۋنيۆەرسيتەتىنىڭ (انگليا) جانە مەلبۋرن ۋنيۆەرسيتەتىنىڭ (اۆستراليا) قىزمەتكەرلەرى ىلعالدى اۋادان سۋدى سۋتەگى مەن وتتەگىگە بولگەنگە دەيىن جيناي الاتىن قۇرىلعىنىڭ پروتوتيپىن جاساپ شىعاردى. ونىڭ ۇستىنە، ول تەك 4 پايىز ىلعالدىلىقتا دا جۇمىس ىستەي الادى. قۇرىلعى جاڭارتىلاتىن ەنەرگيا كوزدەرىنەن الىناتىن ەلەكتر قۋاتىمەن جۇمىس ىستەيتىن ەلەكتروليزەردىڭ پروتوتيپى بولىپ تابىلادى.
ول كەلەسىدەي جۇمىس ىستەيدى: ەلەكترودتار اۋادان سۋدى سىڭىرەتىن جوكە ءتارىزدى قۇرىلعىنىڭ ەكى جاعىنا ورنالاستىرىلادى جانە ءبىر ۋاقىتتا ەلەكتروليت ءۇشىن رەزەرۆۋار قىزمەتىن اتقارادى. بۇل تاراپتا جۇرگىزىلگەن ءبىرقاتار سىناقتار قۇرىلعىنىڭ قاناعاتتانارلىق دەڭگەيدە جۇمىس ىستەيتىنىن جانە 12 كۇن قاتارىنان ءوز فۋنكسيالارىن ورىندايتىنىن كورسەتتى.
