ءبىر اسپاننىڭ حيكاياسى: ديماش قۇدايبەرگەننىڭ جاڭا كليپىنىڭ تيزەرى شىقتى
بۇل جايىندا ءانشىنىڭ Instagram پاراقشاسىنان بەلگىلى بولدى.
«ديماش قۇدايبەرگەننىڭ 12 مينۋتتىق جۇمىسى پلانەتامىزداعى ادامداردىڭ تاتۋ تىرشىلىگىنە ارنالعان. ءبىز ناسىلگە، ۇلتقا، دىنگە بولىنەمىز، ءبىراق ءبارىمىز ءبىر پلانەتانىڭ پەرزەنتىمىز جانە ءبىر اسپان استىندا ءومىر ءسۇرىپ جاتىرمىز. ءومىر - ەڭ جوعارى قۇندىلىق. ەشقانداي قاسيەتتى كىتاپ ادام ولتىرۋگە ۇندەمەيدى. ءبىز دوس بولۋدى ۇيرەنۋىمىز كەرەك، ويتكەنى ءبىر- ەكى ەرەسەك ادامنىڭ كەسىرىنەن ميلليونداعان بالا ازاپ شەكپەۋى ءتيىس. عالامشارىمىزدىڭ بولاشاعى، ادامزاتتىڭ بولاشاعى ءوز قولىمىزدا، الەمدە تىنىشتىق بولسىن. ءبىز ءبىر ءۇيدىڭ، ءبىر جەردىڭ، ءبىر اسپاننىڭ بالالارىمىز»، - دەپ جازدى ديماش قۇدايبەرگەن الەۋمەتتىك جەلىدە.
ايتا كەتەيىك، ديماش قۇدايبەرگەننىڭ حيكاياسىنا نەگىزدەلگەن مۋزىكالىق بەينەباياندى 24-قىركۇيەكتەن باستاپ تاماشالاۋعا بولادى.
