قازاقستان مەن تۇركيا عارىش سپۋتنيك جۇيەلەرى سالاسىندا ىنتىماقتاستىقتى نىعايتادى
بەلگىلى بولعانداي، Turkish Aerospace كومپانياسى TurkSat-6A اۋىر كلاستى عارىش اپپاراتىن ءوز بەتىنشە جوبالاعان جانە جاساعان.
قۇراستىرۋ- سىناقتان وتكىزۋ كەشەنىن ارالاۋ بارىسىندا قازاقستاندىق دەلەگاتسياعا عارىش اپپاراتىنىڭ ءوزى جانە ونىڭ ينجەنەرلىك ۇلگىلەرى كورسەتىلدى، ولار كونسترۋكتورلىق بيۋرونىڭ جۇمىسىن تاماشالاۋعا مۇمكىندىك الدى.
«بۇگىنگى تاڭدا Turkish Aerospace كومپانياسى مەن ونىڭ ەنشىلەس كاسىپورنى GSatCom تەلەكوممۋنيكاتسيالىق سپۋتنيكتەرىن قۇرۋعا ارنالعان نەگىزگى پلاتفورما SmallGeo پلاتفورماسى ەكەنىن ەسكەرە وتىرىپ، «KazSat-3R» عارىشتىق بايلانىس جۇيەسىن قۇرۋ ماقساتىندا وسى ءونىمدى پايدالانۋ مۇمكىندىگىن قاراستىرۋعا بولادى»، - دەپ «رەسپۋبليكالىق عارىشتىق بايلانىس ورتالىعى» اق باسقارما ءتوراعاسىنىڭ ورىنباسارى ۆاسيلي لەونوۆ پەرسپەكتيۆالىق جوسپارلارىن ءبولىستى.
كەزدەسۋ بارىسىندا تۇرىك جانە قازاقستاندىق ماماندار ورتالىق ازيا ەلدەرى مەن تۇركى مەملەكەتتەرى ۇيىمدارىنىڭ مۇددەسى ءۇشىن بىرلەسكەن بايلانىس سپۋتنيگىن قۇرۋ جوباسىنىڭ جوسپارلارىن تالقىلادى.
Turkish Aerospace كومپانياسى وسىنداي بىرلەسكەن جوبانى ىسكە اسىرۋ مۇمكىندىگىن قولداۋعا، تەحنولوگيالىق الاڭ بولۋعا جانە عارىش جۇيەسىن قۇرۋعا عانا ەمەس، سونىمەن قاتار قازاقستان رەسپۋبليكاسى ءۇشىن تەحنولوگيالار ترانسفەرتىنە دە قاتىسۋعا، سونداي- اق اەروعارىش سالاسىنداعى قازاقستاندىق مامانداردىڭ بىلىكتىلىگىن ارتتىرۋعا دايىن ەكەنىن ءبىلدىردى.
تاراپتار مەموراندۋم دايىندايدى، وعان سايكەس تاراپتار ەكى جاقتىڭ وندىرىستىك قۋاتتارىن تىكەلەي ىسكە قوسۋ كەزىندە قازاقستان رەسپۋبليكاسىنىڭ مۇددەسى ءۇشىن سپۋتنيكتىك بايلانىس جۇيەلەرىنىڭ پەرسپەكتيۆالىق جوبالارىن ىسكە اسىرۋ كەزىندە Turkish Aerospace تەحنيكالىق شەشىمدەرىن پايدالانۋ مۇمكىندىكتەرىن پىسىقتايدى.
قۇجاتقا قىركۇيەك ايىنىڭ سوڭىندا قازاقستان استاناسىندا وتەتىن «Digital Bridge-2022» سيفرلىق تەحنولوگيالار، بيزنەس جانە IT تۋرالى حالىقارالىق فورۋمدا قول قويىلادى دەپ جوسپارلانۋدا.
