جانىبەك ءالىمحان ۇلىنىڭ كەلەسى جەكپە- جەگى قاشان وتەتىنى بەلگىلى بولدى

الەم چەمپيونى بۇل جايىندا ءوزىنىڭ Twitter پاراقشاسىندا مالىمدەدى.

«قاراشا ايىندا جاڭا چەمپيونمەن تانىساسىزدار. تاماشالاۋعا قارا كوزىلدىرىكپەن كەلىڭىزدەر. ويتكەنى مەن رينگتە جارقىرايمىن! ءبىز امەريكادامىز. ال ايقاس قاراشادا لاس ۆەگاس قالاسىندا وتەدى. قارسىلاسىم كىم ەكەنىن بىلمەيمىن. ءبىراق مەن ونى قاتتى ۇرىپ- سوقپايمىن. تەك نوكاۋتقا تۇسىرەمىن. ويتكەنى مەن ورتا سالماقتىڭ ۇزدىگىمىن» دەپ جازدى ول.

ەسكە سالا كەتەيىك، مۇنىڭ الدىندا جانىبەك ءالىمحان ۇلى بوكس چەمپيوندارىنا ۇندەۋ جاساعان ەدى. ول الەمدىك بوكسشىلاردى بىرىگۋگە شاقىرعان.

جۋىردا قازاقستاندىق بوكسشى ورتا سالماقتا WBO الەم چەمپيونى اتاندى.

دۇنيەجۇزىلىك بوكس ۇيىمى (WBO) رەسمي قاۋلى شىعاردى، وندا قازاقستاندىق بوكسشى جانىبەك ءالىمحان ۇلى ورتا سالماقتاعى WBO تولىققاندى الەم چەمپيونى دەپ جاريالانعان.

ق ر پرەزيدەنتى جانىبەك ءالىمحان ۇلىن قۇتتىقتاپ، قازاق بوكس ءستيلىنىڭ ۇستەمدىگىن تاعى ءبىر رەت پاش ەتتىڭىز دەدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى