اباي وبلىسىندا تاعى دا دالا ءورتى تۇتاندى
اباي وبلىسى اكىمدىگى باسپا ءسوز قىزمەتىنىڭ مالىمەتىنە سۇيەنسەك، جارما اۋدانى شالاباي اۋىلدىق وكرۋگىندە اشىق الاڭدا ءورت شىقتى.
«40 گەكتار اۋماقتا ءشوپ جاندى. وقيعا ورنىندا ءورت سوندىرۋشىلەر مەن جەرگىلىكتى اتقارۋشى ورگان قىزمەتكەرلەرى جۇمىس ىستەپ جاتىر. قالباتاۋ اۋىلىنان 1 اۆتوبۋس جولعا شىقتى. جارما اۋداندىق ت ج ب باستىعىنىڭ مىندەتىن اتقارۋشى دا وقيعا ورنىندا ءجۇر»، - دەلىنگەن اقپاراتتا.
سونىمەن قاتار، بەسقاراعاي اۋدانىندا دا ەكى ءورت شىققان. ءبىر وت وشاعى سوندىرىلسە، ەكىنشىسى وقشاۋلاندى.
وبلىس اكىمى نۇرلان ۇرانحايەۆ شۇعىل تۇردە جەدەل شتاب وتىرىسىن وتكىزدى. ول تجد باسشىلىعىنا جاعدايدى باقىلاۋدا ۇستاپ، قوسىمشا تەحنيكا جىبەرۋدى تاپسىردى.
ەسكە سالساق، وسىعان دەيىن اباي وبلىسىندا بارلىق دالا ورتتەرى سوندىرىلگەن بولاتىن.
