نيۋ- يوركتە پوليوميەليت ۆيرۋسى تابىلىپ، توتەنشە جاعداي جاريالاندى
سوندىقتان توتەنشە جاعداي تۇرعىندار اراسىندا ۆاكسينا سالۋدى جەدەلدەتۋ ءۇشىن قاجەت دەپ وتىر. وتكەن اپتادا نيۋ- يوركتىڭ ىرگەسىندەگى بىرنەشە وكرۋگتان قاۋىپتى ۆيرۋس شىققان بولاتىن. دەنساۋلىق ساقتاۋ دەپارتامەنتىنىڭ مالىمەتى بويىنشا ا ق ش سوڭعى ون جىلدا تىركەلمەگەن پوليوميەليت شىلدەدە ەرەسەك ادامنان انىقتالدى. ۆيرۋستىڭ قاۋىپتىلىگى سال اۋرۋىنا اكەلۋى مۇمكىن. ءبىراق ونىڭ الدىن الۋ ءۇشىن ۆاكتسينا سالدىرۋ كەرەك. العاش رەت وعان قارسى ەكپە 1955 -جىلى شىعارىلدى. ءۇش رەتتىك ۆاكسينالۋدان كەيىن ادام اعزاسىندا 100 پايىزدىق يممۋنيتەت پايدا بولادى ەكەن. ۆيرۋس ەرسەكتەرگە دە جۇعادى، ءبىراق 3 جاسقا دەيىنگى بالالار ءۇشىن وتە قاۋىپتى. سوندىقتان شتات بيلىگى ەكپە سالدىرماعان بارلىق تۇرعىندارعا دەرەۋ ۆاكسينا الۋدى ۇگىتتەپ جاتىر. نيۋ- يوركتەگى توتەنشە جاعداي قازان ايىنىڭ 9 ىنا دەيىن جاريالاندى. شتات بيلىگى ءبىر ايدىڭ ىشىندە حالىقتىڭ 90 پروتسەنتىن ەكپەدەن وتكىزبەك.
www.24.kz
