مۇحتار اۋەزوۆتىڭ جەكە زاتتارى العاش رەت سەمەيدە كورمەگە قويىلدى
ابايدىڭ «جيدەباي- ءبورىلى» مەملەكەتتىك مۋزەي- قورىعىندا «اباي - مەنىڭ ومىرلىك تاقىرىبىم.. .» اتتى كورمەنىڭ اشىلۋ سالتاناتى ءوتتى. بىرەگەي جادىگەرلەر الماتىداعى «اۋەزوۆ ۇيىنەن» اكەلىنگەن.
«كورمەدە زاڭعار جازۋشى مۇحتار ومارحان ۇلىنىڭ ءومىرى مەن شىعارماشىلىعىنا قاتىستى ماتەريالدار مەن مالىمەتتەر ۇسىنىلدى. ونىڭ ىشىندە «اباي جولى» رومان- ەپوپەياسى قولجازباسىنىڭ كوشىرمەلەرى، شەت ەلدەردەن اكەلىنگەن كىتاپتار مەن جۋرنالدار، شاپان مەن كاستوم، سونداي- اق «اباي» جۋرنالىنىڭ ءتۇپنۇسقاسىنىڭ اۋدارمالارى بار»، - دەيدى مۋزەي قىزمەتكەرلەرى.
مۇحتار اۋەزوۆتىڭ جەكە زاتتارى سەمەيدە العاش رەت كوپشىلىكتىڭ نازارىنا ۇسىنىلىپ وتىر. كورمەنىڭ اشىلۋ سالتاناتىنا قالا تۇرعىندارى مەن قوناقتارى، ۇستازدار، ستۋدەنتتەر جانە مەكتەپ وقۋشىلارى قاتىستى. كورمە 12-قىركۇيەككە دەيىن جالعاسادى.
