دەمالىس كۇندەرى قايدا بارۋعا بولادى؟
Massaget.kz ءتىلشىسى دەمالىس كۇندەرى بارۋعا بولاتىن جەرلەردى جينادى.
اۋا رايى قانداي بولادى؟
قازگيدرومەت مالىمەتىنشە، اتموسفەرالىق فرونتال بولىكتەر وتۋىنە بايلانىستى 11-12 قىركۇيەكتە رەسپۋبليكانىڭ باسىم بولىگىندە جاۋىن- شاشىن جاۋۋى مۇمكىن. ەلدىڭ سولتۇستىگىندە، شىعىسىندا، وڭتۇستىك- شىعىسىنداعى تاۋلى اۋدانداردا قاتتى جاڭبىر جاۋىپ، جەل كۇشەيىپ، بۇرشاق جاۋۋى مۇمكىن. 10-12 قىركۇيەكتە تۇندە باتىستا، 10-قىركۇيەكتە شىعىستا، 11-12 قىركۇيەكتە سولتۇستىك- باتىستا، 12-قىركۇيەكتە سولتۇستىكتە، سونداي- اق، ورتالىقتا 1-3 گرادۋس ۇسىك كۇتىلەدى.
1. Ethnotronica Almaty
كۇزدىڭ ەڭ باستى شاراسى Ethnotronica Almaty ەلەكترون مۋزىكا فەستيۆالىنە ماجارستان، گرۋزيا، وزبەكستان، تىۆا، تاۋ شورياسى جانە قازاقستاننان ەڭ ءۇزدىڭ توپتار مەن سوليستەردەن بولەك، اrtballet بي ۇجىمى (وزبەكستان، قازاقستان)، tumوr dance group (وزبەكستان) جانە Gzeba Georgian Dance (گرۋزيا) ونەر كورسەتەدى.
ءۇش ساعاتتىق ەكسكليۋزيۆ dance-شوۋ 10-قىركۇيەكتە ساعات 19.00 دە قالانىڭ باستى open-air- الاڭى - اباي داڭعىلىنداعى رەسپۋبليكا سارايىنىڭ الدىندا وتەدى. كىرۋ تەگىن.
2. تەاترلارداعى قويىلىمدار
1) م. اۋەزوۆ اتىنداعى قازاق ۇلتتىق دراما تەاترىندا 10-قىركۇيەكتە ساعات 19:00 دە «سارا» قويىلىمى كورسەتىلەدى. مەكەنجايى - اباي داڭعىلى، 103. كىرۋ قۇنى 600 تەڭگە مەن 1500 تەڭگە اراسىندا بولادى.
2) ع. مۇسىرەپوۆ اتىنداعى قازاق مەملەكەتتىك اكادەميالىق بالالار مەن جاسوسپىرىمدەر تەاترىندا 10-قىركۇيەكتە ساعات 18:30 دا «ويان، قالىڭدىق»، « قىزىل ورامالدى شىنارىم» جانە 11 قىركۇيەكتە ساعات 18:30-دا №13 سپەكتاكلى قويىلادى.
3. فۋتبول شوۋ- ماتچى: «الاتاۋ» كومانداسى «كارتوپ» فۋتبول كلۋبىنا قارسى
ورتالىق ستاديوندا «الاتاۋ» فۋتبول كلۋبىنىڭ «كارتوپ» فۋتبول كلۋبىنا قارسى فۋتبول شوۋ- ماتچى وتەدى. وندا سەكا، تاۋەكەل ءمۇسىلىم، نۇرجان كەرمەنبايەۆ، عادىلبەك جاناي جانە قازاقستاننىڭ باسقا دا تانىمال ادامدار وينايدى. سونداي- اق، بارلىق فۋتبول جانكۇيەرى ءۇشىن ماتچتىڭ ونلاين- ترانسلياتسياسى بولادى. وتەتىن ورنى: ورتالىق ستاديون، ساتبايەۆ كوشەسى، 29/3. كىرۋ قۇنى 500 - 5000 تەڭگە اراسىندا بولادى.
4. تاۋعا، تابيعاتقا تۋرلار
كۇز باستالسا دا، ءالى كۇن سۋىتا قويعان جوق. وسى ورايدا تابيعات اياسىنا سەرۋەندەۋگە، دەمالۋعا بولادى. بۇل قاتاردا كولساي- قايىڭدى، شارىن، اسى جايلاۋى تاعى سول سەكىلدى كورنەكى جەرلەر بار. Instagram-جەلىسىندە اقىلى تۋر قىزمەتىن ۇسىناتىن تۋر كوپ. قالاۋىڭىز بەن قالتاڭىزعا قاراي تاڭداۋعا بولادى.
5. تۇنگى كينو كورسەتىلىمى
شاتىرداعى @open_cinema_almaty كينوتەاترى اشىق اسپان استىندا كەشكى كينوكورسەتىلىم ۇسىنادى. ءبىرىنشى كورسەتىلىم كۇن باتقان كەزدە وتەدى، قالعان فيلمدەردى جۇلدىزدى اسپان اياسىندا تاماشالاۋعا بولادى. وتەتىن ورنى: ورمانوۆ كوشەسى، 7، بايلانىس تەلەفونى: 77006504986، ال كىرۋ قۇنى 3000 تەڭگە بولادى.
