ف ي ف ا قازاقستاندا فۋتبولدىڭ دامۋىن قولداۋعا دايىن
«بۇگىن ف ي ف ا باسشىسىمەن ماڭىزدى كەزدەسۋ ءوتتى. كۇن تارتىبىندە ەكى نەگىزگى ماسەلە كوتەرىلدى. بالالار- جاسوسپىرىمدەر جانە بۇقارالىق فۋتبولدى دامىتۋ. ءبىزدىڭ ماقساتىمىز - ءار قازاقستاندىق ءۇشىن بۇقارالىق فۋتبولدىڭ قولجەتىمدى بولۋى، اۋەسقوي فۋتبولشىلاردىڭ سانىن ۇلعايتۋ جانە ەلىمىزدە فۋتبولدى دامىتۋ ءۇشىن قولايلى جاعداي جاساۋ. ءبىزدىڭ باستامالارىمىزدى قولداپ، ۇسىنىلعان جوبالارىمىزدىڭ بولاشاعىنا باعا بەرگەنى ءۇشىن دجانني ينفانتينوعا العىسىمىزدى بىلدىرەمىز»، - دەيدى ق ف ف پرەزيدەنتى ادىلەت بارمەنقۇلوۆ.
بۇقارالىق فۋتبولدى دامىتۋ جوباسىندا سپورت ءتۇرىن ناسيحاتتاۋ، دايىندىق جانە جارىس جۇيەلەرى، سونىمەن قاتار فۋتبول ينفراقۇرىلىمىن جاقسارتۋ ماسەلەلەرى دە قامتىلعان.
پرەزيدەنت دجانني ينفانتينو سول جوبالاردى جۇزەگە اسىرۋ ءۇشىن قازاقستان فۋتبول فەدەراتسياسىنا جان- جاقتى قولداۋ كورسەتۋگە دايىن ەكەنىن اتاپ ءوتتى. سونىمەن قاتار، قازاقستاندىق فۋتبول ماماندارىنا ارنالعان ءبىلىم بەرۋ پروتسەسىن ۇيىمداستىرۋدا ف ي ف ا- نىڭ تەحنيكالىق كومانداسى كومەك كورسەتەتىنىن جەتكىزدى.
تاراپتار ف ي ف ا مەن قفف ىنتىماقتاستىعى اياسىندا قازاقستان اۋماعىندا ف ي ف ا ءىس- شارالارىن وتكىزۋ، سونىمەن قاتار ورتالىق ازيا فۋتبول قاۋىمداستىقتارىنىڭ ءوزارا قارىم- قاتىناسىن جاقسارتۋ ماسەلەلەرىن تالقىلادى. ولاردى ءارى قاراي تالقىلاۋ ماقساتىندا ف ي ف ا باسشىسى دجانني ينفانتينو قازاقستانعا كەلمەك.
