بەكبولات تىلەۋحان ۇلتتىق سپورت قاۋىمداستىعىنان كەتتى
قاۋىمداستىقتىڭ سوڭعى ءۇش جارىم جىلداعى جۇمىسى جايلى ەسەپ بەرىلىپ، جاڭا جارعىسى قابىلداندى. داۋىس بەرۋ ناتيجەسىندە قابىلدانعان تاعى ءبىر شەشىم - ۇلتتىق سپورت قاۋىمداستىعى پرەزيدەنتىن قايتا سايلاۋ. قاۋىمداستىق پرەزيدەنتى قىزمەتىنە مەنى جىلجىتىپ، سەنىم ارتقاندارى ءۇشىن قۇرىلتايشىلارعا ريزاشىلىق بىلدىرەمىن. بۇل - قوعامدىق نەگىزدەگى، ارتار جۇگى مول، جاۋاپكەرشىلىگى زور جۇمىس. قاۋىمداستىق پرەزيدەنتىنىڭ ەكى ورىنباسارى بولىپ سايلانعان ارىپتەستەرىم باقداۋلەت ءسابيتوۆ پەن راۋان كەنجەحان ۇلىن قۇتتىقتايمىن!، - دەدى «التىن قىران» كورپوراتيۆتىك قايىرىمدىلىق قورىنىڭ قۇرىلتايشىسى جانە پرەزيدەنتى يسلامبەك ءسالجانوۆ.
ونىڭ ايتۋىنشا، ۇلتتىق سپورت - حالىقتىڭ رۋحىن كوتەرىپ، بارشاعا ورتاق قۇندىلىقتاردى قالىپتاستىراتىن، وتانشىل جانە مەملەكەتشىل سانا-سەزىمدى كۇشەيتۋگە ىقپال ەتەتىن ماڭىزدى سالا.
ونىڭ ستاتۋسى - مەملەكەتتىڭ ابىرويى. ءبىز ۇلتتىق سپورتتى دامىتۋعا كوڭىل ءبولۋ ارقىلى ەلدىك رۋح پەن بىرلىكتى كۇشەيتەمىز. مەملەكەتتىڭ حالىقارالىق بەدەلىن كوتەرەمىز. الداعى ۋاقىتتا ۇلتتىق سپورتتىڭ ستاندارتتارىن بەكىتىپ، جاڭا فورماتتاردى ەنگىزۋدى جوسپارلاپ وتىرمىز. ۇلتتىق ات سپورتىن مودەرنيزاتسيالاۋ ماقساتىندا «ۇلى دالا جورىعى» مارافون-بايگەسىنە جان-جاقتى قولداۋ كورسەتەمىز. بولاشاقتا ۇلتتىق سپورت جارىستارىنا تىكەلەي ترانسلياتسيا جاساۋدى جولعا قويۋ قاجەت.
ودان بولەك، سپورتتىق ينفراقۇرىلىمدار سالۋ، وتاندىق ترەنەرلەر مەن سۋديالاردى دايىنداۋ، بالالار سپورتىن دامىتۋ سياقتى كوپتەگەن ماسەلەلەر بار. ۇلتتىق سپورتتى كوتەرۋ ارقىلى ەلدىڭ بىرلىگىن ارتتىرۋعا، مەملەكەتىمىزدى كۇشەيتۋگە ۇلەس قوسامىز. بۇل سالادا تۇشىمدى وي، كەلەلى ۇسىنىستارىڭىز بولسا، ايتا وتىرىڭىزدار، - دەپ اتاپ ءوتتى ول.
