جەتىسۋ وبلىسىنداعى تاۋلى ايماق ورتەنىپ جاتىر

وبلىستىق توتەنشە جاعدايلار دەپارتامەنتىنىڭ مالىمەتىنشە، ءورت تۋرالى حابارلاما 8-قىركۇيەك كۇنى ساعات 04:30 دا تۇسكەن. وقيعا ورنىنا دەرەۋ ءورت سوندىرۋشىلەر جونەلتىلدى.

ءورت ءسوندىرۋ بريگاداسى كەلگەن كەزدە مەملەكەتتىك ۇلتتىق تابيعي پاركى «كەندىر ساقال» ورمان شارۋاشىلىعىنداعى شىققان ءورتتىڭ جالپى اۋدانى 60 گەكتارعا جەتتى. وندا قۇرعاق ءشوپ پەن بۇتالار ورتەنۋدە.

«ءورتتىڭ قىلقان جاپىراقتى ورمانعا تارالۋ قاۋپى بار. دالا ءورتىن ءسوندىرۋ بويىنشا ىنتىماقتاستىق جوسپارىنا سايكەس وبلىس دەپارتامەنتىنە الاكول ورمان شارۋاشىلىعىنىڭ، جەرگىلىكتى اتقارۋشى ورگانداردىڭ كۇشتەرى مەن قۇرالدارى جانە قر ۇقك شەكارا قىزمەتىنىڭ اسكەري قىزمەتكەرلەرى تارتىلدى. تالدىقورعان قالاسىنان توتەنشە جاعدايلار دەپارتامەنتىنىڭ قوسىمشا جەكە قۇرامى - 45 قىزمەتكەر مەن 5 تەحنيكا جىبەرىلدى. ءورت وشاعىنا دەيىنگى قاشىقتىق 490 شاقىرىمدى قۇرايدى»، - دەلىنگەن حابارلامادا.

«تاڭعى مالىمەت بويىنشا ءورتتىڭ جالپى اۋماعى بولجام بويىنشا 200 گەكتاردى قۇرايدى. ءورت ءسوندىرۋ جەرگىلىكتى جەردىڭ تاۋلى بولۋىنا، سەكۋندىنا 20 مەترگە دەيىن سوققان جەل ەكپىنى مەن مەتەوجاعدايعا بايلانىستى كۇردەلەندى»، - دەپ اتاپ ءوتتى ۆەدومستۆودان.

ءورت سوندىرۋگە 173 ادام، 1 تىكۇشاق، 16 تەحنيكا، 70 اسپالى بۇرىككىش جانە 6 جىلقى جۇمىلدىرىلعان. قازا بولعاندار مەن زارداپ شەككەندەر جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى