قازاقستاندىقتارعا اي سايىن تولەم جاسالاتىنى راس پا

بۇل شىندىققا جاناسپايدى، - دەپ حابارلايدى Stopfake.kz.

شىن مانىندە، بۇل جارناما الاياقتاردىڭ ءىسى جانە ونىڭ Halyk Bank-كە ەشقانداي قاتىسى جوق.

«بۇل الاياقتار! ساقتىق تانىتىپ، بەرىلگەن سىلتەمە بويىنشا وتپەۋلەرىڭىزدى سۇرايمىز. بانك ونىمدەرى، قىزمەتتەرى جانە وتكىزەتىن اكسيالارى بويىنشا بارلىق وزەكتى اقپارات Halykbank.kz سايتىندا جاريالانادى»، - دەيدى بانكتىڭ كليەنتتەردى قولداۋ قىزمەتى وكىلى.

سونداي-اق، جارنامانىڭ رەسمي رەسۋرستا ەمەس، The Ticket West Michigan دەپ اتالاتىن پاراقشادا تارالعانىنا نازار اۋدارۋ كەرەك. بۇل – ا ق ش- تىڭ ميچيگان شتاتىنداعى گراند راپيدس قالاسىندا حابار تاراتاتىن كوممەرتسيالىق سپورتتىق راديوستانتسيانىڭ اتاۋى. ولاردىڭ رەسمي سايتىندا قازاقستاندىقتارعا بانك تولەمدەرى جاسالاتىنى تۋرالى جارناماعا تاپسىرىس بەرگەنىن راستايتىن ەشقانداي اقپارات جوق.

سونىمەن قاتار، جارنامادا كورسەتىلگەن سىلتەمەمەن وتكەن كەزدە پايدالانۋشىلار ءىس جۇزىندە جوق سايتقا تۇسەدى، دەمەك، ول جويىلعان نەمەسە بۇعاتتالعان.

دەمەك، Halyk Bank قازاقستاندىقتارعا اي سايىن 117700 تەڭگەدەن تولەۋى ءتيىس ەكەنى تۋرالى مالىمدەمە - فەيك.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى