ەرىكتى مەديتسينالىق ساقتاندىرۋ جالپىعا قاشان قولجەتىمدى بولادى
«قازاقستانىقتارعا ەرىكتى مەديتسينالىق ساقتاندىرۋ تەتىگى قولجەتىمدى. ءبىراق ونى نەگىزىنەن ءىرى كاسىپورىندار، مىسالى، مۇناي كومپانيالارى قولدانادى. ال حالىققا جاپپاي قولجەتىمدى بولۋى ءۇشىن مەملەكەت باسشىسىنىڭ تاپسىرماسى اياسىندا مۇنداي قىزمەت ۇسىنۋشىلاردىڭ قاتارىن كەڭەيتەمىز. مەديتسينالىق ساقتاندىرۋمەن اينالىساتىن كومپانيالاردىڭ ءبارىن شاقىرامىز»، - دەدى اجار عينيات.
ايتۋىنشا، بۇل تەتىك جالپى حالىققا قولجەتىمدى بولۋى ءۇشىن جان-جاقتى جەتىلدىرىلۋى شارت.
«بۇل جۇيەدە ءبولىنىس ايقىن بولادى. ەرىكتى نەگىزدە ساقتاندىرۋ جاسايتىن كومپانيا قانداي قىزمەت كورسەتەتىنى، كەپىلدەندىرىلگەن مەملەكەتتىك اقىسىز مەديتسينالىق كومەك اياسىندا قانداي قىزمەتتەر كورسەتىلەتىنى، م ءا م س ارقىلى قانداي قىزمەتتەر كورسەتىلەتىنى ناقتىلانادى. بىزدە جىل اياعىنا دەيىن ۋاقىت بار»، - دەدى مينيستر.
