جەتىسۋ وبلىسىندا جەرگىلىكتى حالىقتىڭ ورمانعا بارۋىنا تىيىم سالىنادى
بۇل تۋرالى ءوڭىر اكىمى بەيبىت يسابايەۆتىڭ ءتيىستى قاۋلىسى اشىق تالقىعا شىعارىلدى، دەپ حابارلايدى قازاقپارات ءتىلشىسى.
«جەتىسۋ وبلىسىنىڭ مەملەكەتتىك ورمان قورى اۋماعىندا ءورت قاۋىپى جوعارعى كەزەڭدە (جىل سايىن 1- ءساۋىر مەن 1- قاراشاعا دەيىن) ورمانداردا جەكە تۇلعالاردىڭ بولۋىنا تىيىم سالىنسىن جانە ورماندى پايدالانۋ قۇقىعى شەكتەلسىن. قاۋلىنىڭ ورىندالۋىن باقىلاۋ «جەتىسۋ وبلىسىنىڭ تابيعي رەسۋرستار جانە تابيعاتتى پايدالانۋدى رەتتەۋ باسقارماسى» مەملەكەتتىك مەكەمەسىنە جۇكتەلسىن»، - دەلىنگەن قۇجاتتا.
قاۋلى 22- قىركۇيەككە دەيىن اشىق تالقىلاۋعا شىعارىلعان.
بۇرىن حابارلاعانىمىزداي، بيىل مۇنداي شەكتەۋ شارالارى اباي جانە تۇركىستان وبلىستارىندا ەنگىزىلگەن بولاتىن.
