مەيرامبەك بەسبايەۆ پەن تۇرسىنبەك قاباتوۆ جاڭا مۋزىكالىق باعدارلامانى جۇرگىزبەك
Cover show باعدارلاماسىن تانىمال ازىلكەش تۇرسىنبەك قاباتوۆ پەن ءانشى مەيرامبەك بەسبايەۆ جۇرگىزەدى.
«حابار» ارناسىنىڭ «ويان» باعدارلاماسىندا قوس ونەر يەسى جاڭا باعدارلاما تۋرالى ايتتى.
باعدارلامادا ەلىمىزگە بەلگىلى جانە جاس انشىلەر تانىمال اندەردىڭ كاۆەر نۇسقاسىن ورىندايدى.
«جۇرگىزۋشى بىزدە - تۇرسىنبەك قاباتوۆ. ول تۇرعان كەزدە، مەنى جۇرگىزۋشى دەگەن بولمايتىن شىعار. مەن ءانشى بولعاننان كەيىن، اركىم ءوز ىسىمەن اينالىسۋى كەرەك قوي. الەمدە بار نارسە، بىزگە ەندى كەلىپ جاتقان ونەردىڭ ءبىر ءتۇرى. قازىر بىزدە سانگە اينالدى. كوپتەگەن انشىلەر تانىمال اندەردى ءوز ستيلدەرىندە ايتادى»، - دەيدى مەيرامبەك بەسبايەۆ.
«باعدارلاماعا شاقىرعان كەزدە ءوزىم دە تۇسىنبەي بارعانمىن. تەك ءبىرىنشى باعدارلامانى تۇسىرگەننەن بارىپ مۇنداي جوبانىڭ كەرەك ەكەنىن ءتۇسىندىم. ءار باعدارلاماعا 4 انشىدەن قاتىسىپ، ەكى اننەن ورىندايدى. بۇرىنعى كليپتەردى ەكراننان كورسەتكەن كەزدە قازىرگى انشىلەر قالاي كورەدى؟ ءان مۇلدەم وزگەرىپ، ەكىنشى ءومىر سىيلاعانداي. كوپ اندەردى ۇمىتىپ كەتكەن ەكەنبىز»، - دەيدى تۇرسىنبەك قاباتوۆ.
