ورتتەن زارداپ شەككەن قوستانايلىقتار وتەماقى تاڭداسا جاڭا ۇيلەر سالىنا ما؟
وڭىرلىك كوممۋنيكاتسيالار قىزمەتىندە وتكەن بريفينگىدە قوستاناي وبلىستىق ساۋلەت جانە قالا قۇرىلىسى باسقارماسىنىڭ باسشىسى بەرىك تاڭجارىقوۆ وسىلاي ءمالىم ەتتى، دەپ حابارلايدى قازاقپارات ءتىلشىسى.
«بۇعان دەيىن ايتقانىمىزداي، اۋليەكول اۋدانىندا 91 ءۇي سالىنادى. دەگەنمەن كەيبىر ازاماتتار جاڭا ءۇيدى ەمەس، وتەماقىنى تاڭداۋى مۇمكىن. ءبىراق بۇعان بايلانىستى سالىناتىن ۇيلەر سانىن قىسقارتپايمىز. ياعني، 91 باسپانا سالىنا بەرەدى. ورتتەن زارداپ شەككەندەر ءۇي ەمەس، وتەماقى الامىز دەسە، وندا ولاردىڭ باسپانالارى تۇرعىن ءۇي كەزەگىندە تۇرعان ازاماتتارعا بەرىلەدى»، - دەدى باسقارما باسشىسى.
بۇدان بولەك بەرىك تاڭجارىقوۆ الاپات ورتتەن زارداپ شەككەندەر جاڭا ۇيلەردىڭ قۇرىلىسى اياقتالعانعا دەيىن قايدا تۇراتىنىن ايتتى. ونىڭ سوزىنشە، ۋاقىتشا ەۆاكۋتسيالانعان ادامدار اۋليەكول اۋدانىنداعى جاتاقحانالارعا ورنالاستىرىلادى.
ءۇيى ورتەنگەن قوستانايلىقتارعا 500 مىڭ تەڭگەدەن العاشقى كومەك بەرىلەتىنى دە ءمالىم ەتىلدى. مۇنداي سوماداعى قاراجات 91 وتباسىعا ۇسىنىلادى.
سونداي-اق وبلىستا بولعان الاپات ورتتەن بولعان مال مەن قۇس شىعىنى انىقتالدى.
