تەمەكىدەن دە قاۋىپتىرەك: ونكولوگ قاتەرلى ىسىكتىڭ نەگىزگى سەبەبىن اتادى
بۇل ماسەلەگە كەز كەلگەن ادام جىبەرەتىن ءارى وتە ءجيى كەزدەسەتىن قاتەنىڭ «ارقاسىندا» تاپ بولۋ قاۋپى بارىن بىلەسىز بە؟
ءسوز ديەتا تۋرالى بولىپ وتىر. ونكولوگ ەليزاۆەتا ۆاسيليەۆانىڭ سوزىنشە، دۇرىس تاماقتانباۋ وتە قاۋىپتى، - دەپ حابارلايدى Doctorpiter.
ۆاسيليەۆانىڭ سوزىنشە، دۇرىس جاسالماعان ءمازىر قاتەرلى ىسىك اۋرۋىنىڭ پايدا بولۋىنىڭ باستى سەبەبى سانالادى. ءتۇرلى زەرتتەۋلەرگە سايكەس عالىمدار دۇرىس تاماقتانباۋدى قاتەرلى ىسىك اۋرۋىنىڭ 35 پايىز سەبەبى سانايدى، ال تەمەكى شەگۋ - 25 پايىز.
ءبىرقاتار سۋسىن مەن ءونىم كانتسەروگەن سانالادى، ولاردى ءجيى قولدانعان كەزدە قاتەرلى ىسىك اۋرۋىنىڭ ىقتيمالدىعى ەداۋىر ارتادى. مىسالى، مۇنداي سۋسىندارعا بارلىق ىشىمدىكتى جاتقىزۋعا بولادى. ادام ءجيى ىشىمدىك ىشسە، ول اسقازان-ىشەك جولدارى مەن باۋىردىڭ قاتەرلى ىسىگىنە اكەپ سوقتىرۋى مۇمكىن.
سونىمەن قاتار، وڭدەلگەن ەت كانتسەروگەندەرگە جاتادى. وعان شۇجىقتار دا جاتادى. دارىگەردىڭ سوزىنشە، ولار كونسەرۆانتتار مەن بوياعىشتاردىڭ كومەگىمەن دايىندالادى. مۇنداي قوسپالار كولورەكتال قاتەرلى ىسىك قاۋپىنە اسەر ەتەدى. ستاتيستيكاعا سايكەس، كۇن سايىن شامامەن 100 گرام وڭدەلگەن ەت جەسە، توق ىشەك قاتەرلى ىسىگى قاۋپى 18 پايىزعا ارتادى.
ءبىراق كەيبىر ونىمدەر، كەرىسىنشە، ونكولوگيانىڭ ىقتيمالدىعىن ازايتۋعا كومەكتەسەدى. مىسالى، D دارۋمەنى توق ىشەك قاتەرلى ىسىگىنەن قورعايدى، ونىڭ قورىن تولىقتىرۋ ءۇشىن تەڭىز ونىمدەرىن، ءسۇت، جۇمىرتقانى تۇتىنۋ كەرەك. سونىمەن قاتار، دارىگەر جوعارى ساپالى ءسۇت ونىمدەرى ونكولوگيالىق اۋرۋلاردىڭ، جاتىر دەنەسىنىڭ قاتەرلى ىسىگىنىڭ دامۋ قاۋپىن تومەندەتەتىنىن ايتادى.
ۆاسيليەۆانىڭ ايتۋىنشا، ارتىق سالماق ءسۇت بەزى قاتەرلى ىسىگىنىڭ، ەندومەتريانىڭ، گورمونعا تاۋەلدى ىسىكتەردىڭ جانە پروستاتا وبىرىنىڭ دامۋ ىقتيمالدىعىن ارتتىرادى. سوندىقتان تارازىداعى ساندى تەك سۇلۋلىق ءۇشىن باقىلاماۋ كەرەك.
دارىگەر ونكولوگيا ادەتتە بىردەن بىرنەشە فاكتورعا بايلانىستى داميتىنىن جەتكىزدى، وعان گەنەتيكالىق بەيىمدىلىك، سوزىلمالى اۋرۋلار، سترەسس، جامان ادەتتەر جاتادى.
ايتا كەتەيىك، جىل سايىن قازاقستاندا 36 مىڭ ناۋقاس قاتەرلى ىسىك دياگنوزىنا شالدىققانىن بىلەدى. قازىر 194 مىڭنان اسا ونكوپاتسيەنت ەسەپتە تۇر.
