قوستاناي وبلىسىنداعى ورتكە بايلانىستى كۇردەلى احۋال تۇراقتاندى
بۇل تۋرالى قازاقپارات ۇكىمەتتىڭ باسپا ءسوز قىزمەتىنە سىلتەمە جاساپ حابارلايدى.
ءاليحان سمايىلوۆ توتەنشە جاعدايلارعا دايىندىقتى تولىق تەكسەرۋدى تاپسىردى
ت ج م باسشىسى يۋري يلين بۇگىنگى تاڭدا قوستاناي وبلىسىنداعى ورتكە بايلانىستى كۇردەلى احۋال تۇراقتانعانىن ايتتى. ءمينيستردىڭ سوزىنشە، ەلدى مەكەندەرگە قاۋىپ ءتونىپ تۇرعان جوق. قىزىل جالىننىڭ بەتى قايتتى، جەكە وقشاۋلانعان ايماقتارداعى ءورت ءسوندىرىلىپ جاتىر. بۇگىنگى تاڭدا ەۆاكۋاتسيالانعان ازاماتتاردىڭ كوبى ۇيلەرىنە ورالدى. سونىمەن قاتار ءبىرقاتار باسقا وڭىردە ءورت ءسوندىرۋ جۇمىستارى جالعاسىپ جاتىر، بۇل جۇمىسقا ت ج م مەن اكىمدىكتەر كۇشتەرى مەن قاراجاتى جۇمىلدىرىلدى.
پرەمەر- مينيستر جاۋاپتى مەملەكەتتىك ورگانداردىڭ توتەنشە جاعدايلارعا دايىندىعىنا تولىق تەكسەرۋ جۇرگىزۋ قاجەتتىگىن اتاپ ءوتتى.
«قوستاناي وبلىسىنداعى ءورت ازاماتتىق قورعاۋ ورگاندارىن، تابيعاتتى قورعاۋ جانە ورمان مەكەمەلەرىن ماتەريالدىق- تەحنيكالىق جاراقتاندىرۋ ماسەلەلەرىن جەدەل شەشىپ، حابارلاندىرۋ جۇيەسىن جاڭعىرتۋ قاجەتتىگىن كورسەتتى»، — دەدى ءاليحان سمايىلوۆ.
سونىمەن قاتار پرەمەر- مينيستر بارلىق وڭىرلەردەگى ازاماتتىق قورعاۋ ورگاندارى قىزمەتكەرلەرىنىڭ جالاقىسىن كوبەيتۋ جانە باسقا دا الەۋمەتتىك قولداۋ شارالارىن، سونداي- اق قوستاناي وبلىسىنداعى ءورتتى سوندىۋرگە قاتىسقان قىزمەتكەرلەرگە سىياقى بەرۋ ماسەلەلەرىن پىسىقتاۋدى تاپسىردى.
ۇكىمەت باسشىسىنىڭ ويىنشا، جاۋاپتى مەملەكەتتىك ورگاندار ءىرى ت ج جويۋ كەزىندەگى ارەكەت پەن ءوزارا ءىس- قيمىل الگوريتمدەرىن قايتا قاراۋى قاجەت.
«وبلىستاعى ءورت كەزىندە جاۋاپتى لاۋازىمدى تۇلعالار تيىسىنشە جانە ۋاقىتىلى ارەكەت ەتپەدى. وسى جاعداي بويىنشا قورىتىندى جاساۋ كەرەك. كىنالىلەر جازالانۋى ءتيىس»، — دەدى ءاليحان سمايىلوۆ.
ءوز كەزەگىندە يندۋستريا جانە ينفراقۇرىلىمدىق دامۋ ءمينيسترى قايىربەك وسكەنبايەۆ اۋليەكول اۋىلىندا باسپاناسىز قالعان ازاماتتارعا ارناپ 91 جاڭا ءۇي سالۋ ءۇشىن 12 گ ا جەر ۋچاسكەسى بولىنگەنىن حابارلادى. جالپى الاڭى 100 شارشى مەتر بولاتىن ءبىر قاباتتى تۇرعىن ۇيلەر سالىنادى. جەر ۋچاسكەلەرىنە قاجەتتى ينفراقۇرىلىم (سۋ، گاز، ەلەكترمەن جابدىقتاۋ) جانە كىرمە جولدار سالىنادى. 12 جەرگىلىكتى مەردىگەرلىك ۇيىم قۇرىلىس- مونتاج جۇمىستارىن باستادى.
«قىسقا دەيىن ادامدار ۇيلەرىنە كىرىپ ۇلگەرۋى ءۇشىن بۇل جۇمىستى جىلدام اياقتاۋ كەرەك» ، — دەدى ءاليحان سمايىلوۆ.
سونىمەن قاتار پرەمەر- مينيستر ورمان القابىن قالپىنا كەلتىرۋ جۇمىستارىن جۇرگىزۋدى جانە ورمان شارۋاشىلىعى قىزمەتكەرلەرىنىڭ جالاقىسىن ارتتىرۋ ماسەلەسىن قاراۋدى تاپسىردى.
ودان بولەك، پرەمەر- مينيستر ورمان شارۋاشىلىعى قىزمەتكەرلەرىنىڭ جالاقىسىن ارتتىرۋ بويىنشا ۇسىنىستى قولداپ، سونداي- اق ورمان القابىن قالپىنا كەلتىرۋ بويىنشا ءبىرقاتار تاپسىرما بەردى.
