مىقتى ساياسي پارتيالاردى دامىتۋ كەرەك - سەنات ءتوراعاسى
«ناقتى ساياسي باسەكەلەستىك بولۋى ءۇشىن بىرنەشە تالاپتى ورىنداۋ قاجەت. بىرىنشىدەن، مىقتى ساياسي پارتيالاردى دامىتۋ كەرەك، ياعني وسى پارتيالار اراسىندا ساياسي باسەكەلەستىك بولعانى دۇرىس. ەكىنشىدەن، قۋاتتى ازاماتتىق قوعامدى قامتاماسىز ەتۋ ماڭىزدى. ادامدار وزدەرىنىڭ پىكىرىن، ۇستانىمىن ەمىن-ەركىن ءبىلدىرۋى كەرەك»، - دەدى م. اشىمبايەۆ سەناتتىڭ جالپى وتىرىسىنان كەيىن تىلشىلەر ساۋالىنا جاۋاپ بەرە وتىرىپ.
سونىمەن قاتار ول ەلىمىزدە ىقپالدى بۇقارالىق اقپارات قۇرالدارىنىڭ بولعانى ماڭىزدى سانالاتىنىن، الايدا ولار پوپۋليزمگە جول بەرمەۋى كەرەك ەكەنىن ايتتى.
«سوندىقتان مىقتى پارتيا، دامىعان ازاماتتىق قوعام، ىقپالدى بۇقارالىق اقپارات قۇرالدارى دەموكراتيالىق رەفورمالار جولىمەن ىلگەرىلەۋ ءۇشىن ماڭىزدى تالاپ بولىپ وتىر»، - دەدى سەنات ءتوراعاسى.
بۇدان بۇرىن حابارلانعانداي، سەنات ءتوراعاسى الداعى سايلاۋدا پارلامەنتكە، ۇكىمەتكە جاڭا ادامداردىڭ كەلۋىنە مۇمكىندىك بولاتىنىن ايتتى.
