الماتىدا جالعان پاترۋلدىك پوليسيا كولىگى انىقتالدى
الماتى قالالىق پوليتسيا دەپارتامەنتى ءمالىم ەتكەندەي، جەرگىلىكتى پوليتسيا قىزمەتىنىڭ مامانداندىرىلعان باتالونىنىڭ ەكيپاجى ءى ءى م- ءنىڭ كورنەكى قۇرالدارى بار «HyundaI « اۆتوكولىگىن ۇستاعان.
كەيىن بەلگىلى بولعانىنداي، فيلمدەردىڭ ءبىرىنىڭ اكىمشىلىگى كولىكتى رەكۆيزيت رەتىندە پايدالانعانى انىقتالدى.
«ياعني، سەناري بويىنشا فيلمدە پاترۋلدىك پوليتسيامەن ەپيزود بار. ول بۇل ارەكەتتەردىڭ زاڭعا قايشى جانە جاۋاپكەرشىلىككە اكەپ سوعاتىنى تۋرالى ويلانباستان، پوليسيانىڭ قىزمەتتىك كولىكتەرىنىڭ ءدال كوشىرمەسىن جاساۋدى ۇيعارعان. ءاربىر كينورەجيسسەر قاجەت بولعان جاعدايدا جالعان رەكۆيزيتتەر، بۇل جاعدايدا پوليتسيا كولىگى، قولدان جاسايتىن بولسا، حاوس بولادى. ول كەزدە جالعان پوليسەيلەرگە وزدەرىنىڭ قىلمىستىق ىستەرىن جۇزەگە اسىرۋعا مۇمكىندىك بەرەدى»، - دەدى الماتى قالالىق پوليتسيا دەپارتامەنتى باستىعىنىڭ ءبىرىنشى ورىنباسارى نۇرلان الماسبەكوۆ.
پوليسيا وكىلى، جالعان كولىك مامانداندىرىلعان ايىپپۇل تۇراعىنا قويىلعانىن جانە ونىڭ اۆتورلارىنا زاڭ اياسىندا شارا قولدانىلاتىنىن اتاپ ءوتتى.
سونىمەن قاتار، پ د- دا وسىعان ۇقساس دەرەكتەرگە جول بەرىلمەيتىنىن ەسكەرتىپ، ءاربىر مۇنداي ەپيزودقا تۇبەگەيلى قۇقىقتىق باعا بەرىلەتىنىنە ۋادە بەردى.
