بيۋدجەتتىڭ مۇنايعا تاۋەلدىلىگى تومەندەپ كەلەدى
بۇل تۋرالى ماجىلىستە «2023-2025 -جىلدارعا ارنالعان رەسپۋبليكالىق بيۋدجەت تۋرالى» زاڭ جوباسىن تانىستىرعان قارجى ۆيتسە-ءمينيسترى تاتيانا ساۆەليەۆا ايتتى، دەپ حابارلايدى قازاقپارات ءتىلشىسى.
«مۇنايعا قاتىستى ەمەس تۇسىمدەردىڭ ۇلەسى 2022 -جىلعى 59,8 پايىزدان 2025 -جىلعا قاراي 78,2 پايىزعا دەيىن وسىممەن كوزدەلگەن. ابسوليۋتتىك ماندە 2023 -جىلى مۇناي تۇسىمدەرى وسى جىلدىڭ ناقتىلانعان جوسپارىنا 3,4 تريلليون تەڭگەگە نەمەسە 35,9 پايىزعا ۇلعايۋمەن 12,8 تريلليون تەڭگە كولەمىندە جوسپارلانىپ وتىر. مۇنايعا قاتىستى ەمەس سەكتوردان تۇسەتىن كىرىستەر كولەمىنىڭ ۇلعايۋى بيۋدجەتتىڭ مۇنايعا تاۋەلدىلىگىنىڭ بىرتىندەپ تومەندەگەنىن كورسەتەدى»، - دەدى ول.
جالپى، ونىڭ دەرەگىنشە، ترانسفەرتتەردى ەسەپكە الماعاندا 2023 -جىلعى كىرىستەر 13,9 تريلليون تەڭگە نەمەسە تۇسىمدەردىڭ جالپى سوماسىنىڭ 78,1 پايىزى كولەمىندە جوسپارلانىپ وتىر.
«ەڭ كوپ ۇلەستى سالىق تۇسىمدەرى - كورپوراتيۆتىك تابىس سالىعى، قوسىلعان قۇن سالىعى جانە حالىقارالىق ساۋداعا سالىناتىن سالىقتار الىپ وتىر»، - دەدى تاتيانا ساۆەليەۆا.
