ش ق و-دا جەڭىل كولىك پەن كاماز سوقتىعىسىپ، ەكى جولاۋشى كوز جۇمدى

ش ق و پوليتسيا دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، جول- كولىك وقيعاسى ۇلان اۋدانىندا «الماتى- وسكەمەن» تاسجولىنىڭ 45-شاقىرىمىندا بولعان.

«Toyota Ipsum» اۆتوكولىگىنىڭ 24 جاستاعى جۇرگىزۋشىسى رۋلدى باسقارا الماي، الدىندا كەلە جاتقان «كاماز 5320» كولىگىمەن سوقتىعىسقان.

«سونىڭ سالدارىنان Toyota Ipsum كولىگىندەگى 38 جانە 44 جاستاعى ەكى جولاۋشى سول جەردە ءتىل تارتپاي كەتتى. سول كولىكتىڭ جۇرگىزۋشىسى مەن تاعى ەكى جولاۋشىسى ءتۇرلى دەنە جاراقاتىمەن اۋرۋحاناعا جاتقىزىلدى»، - دەلىنگەن اقپاراتتا.

قازىرگى ۋاقىتتا اتالعان فاكتى بويىنشا ق ر قىلمىستىق كودەكسىنىڭ 345-بابى 4-بولىگىنە (كولىك قۇرالىن باسقاراتىن ادامنىڭ ابايسىزدا ەكى نەمەسە ودان دا كوپ ادامنىڭ ولىمىنە اكەپ سوققان جول قوزعالىسى ەرەجەلەرىن بۇزۋى) سايكەس سوتقا دەيىنگى تەرگەۋ امالدارى باستالدى.

ءبىرقاتار سوت- مەديتسينالىق ساراپتاما تاعايىندالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى