پارلامەنت دەپۋتاتتارى ورىس تىلىندەگى باياندامانى تىڭداۋدان باس تارتتى

قىرعىزستان پارلامەنتىنىڭ دەپۋتاتتارى اگرارلىق ساياسات، سۋ رەسۋرستارى، ەكولوگيا جانە وڭىرلىك دامۋ كوميتەتىنىڭ وتىرىسىندا ورىس تىلىندەگى باياندامانى تىڭداۋدان باس تارتتى.

بۇل تۋرالى 24.kg حابارلادى.

جوگورگۋ كەنەشتە بايانداما سالىقتىق ەمەس كىرىستەر بويىنشا كودەكسكە وزگەرتۋلەر ەنگىزۋ جوباسى تۋرالى ورىس تىلىندە جاسالۋى كەرەك بولاتىن. الايدا كوميتەت باسشىسى امانقان كەنجەبايەۆ باياندامالاردى تەك مەملەكەتتىك تىلدە تىڭداۋ تۋرالى شەشىم قابىلداعانىن ايتىپ، رەسمي تىلدە بايانداما جاساۋعا رۇقسات بەرگىسى كەلمەدى.

ءبىز قىرعىز ءتىلىن دامىتۋ ماقساتىندا باياندامالاردى تەك مەملەكەتتىك تىلدە تىڭداۋ تۋرالى شەشىم قابىلداعان بولاتىنبىز، - دەدى كوميتەت باسشىسى امانقان كەنجەبايەۆ.

بۇعان دەپۋتات جانىبەك قىدىقبايەۆ بايانداما قىرعىز رەسپۋبليكاسىنىڭ «سالىقتىق ەمەس كىرىستەر تۋرالى» كودەكسىنە ەنگىزىلگەن وزگەرىستەرگە قاتىستى جانە سالىق تولەۋشىلەر اراسىندا ورىس ءتىلىن بىلەتىندەر بار ەكەنىن ايتتى.

ولاي بولسا وسى جولى باياندامانى تىڭدايىق. ال كەلەسى كەزدەسۋگە قىرعىز تىلىندە دايىندالسىن، - دەدى كوميتەت باسشىسى.

الايدا ونىڭ ۇسىنىسى قولداۋ تاپپادى.

ءبىزدى بۇكىل رەسپۋبليكا تىڭدايدى. ولاردىڭ 80 پايىزى قىرعىز تىلىندە سويلەيدى، 10 پايىزى ورىس تىلىندە سويلەۋى مۇمكىن. كوپشىلىكتى سىيلاۋ كەرەك، - دەدى دەپۋتات الىشەر قوزۋيەۆ.

كەزدەسۋدە باياندامانى ءتورت ادام جاسادى. ونىڭ ءبارى ۇلتى قىرعىز شەنەۋنىكتەر.

halyq-uni.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى