الماتىدا تولەم تەرمينالىن توناپ كەتكەن ءۇش جىگىت ۇستالدى
تولەم قۇرىلعىسى رايىمبەك داڭعىلى بويىنداعى ءدارىحانالاردىڭ ءبىرىنىڭ ىشىندە ورنالاسقان. قاسكويلەر عيماراتقا زاڭسىز كىرىپ، تەرمينالدى بۇزىپ، ول جەردەن 1 ميلليون 725 مىڭ تەڭگە كولەمىندە اقشانى جىمقىرعان.
«جەدەل- ىزدەستىرۋ ءىس- شارالارى بارىسىندا قىلمىسقا قاتىسى بار 1975، 1986 جانە 1982 -جىلى تۋعان ءۇش ازامات ۇستالدى. كۇدىكتىلەر قىلمىسىن مويىندادى. زاتتاي ايعاقتار تاركىلەندى. قىلمىستىق ءىس ق ر ق ك-نىڭ 188-بابى 3-بولىگى بويىنشا قوزعالدى. كۇدىكتىلەردىڭ وسىعان ۇقساس قىلمىستارعا قاتىستىلىعىن انىقتاۋ ماقساتىندا جەدەل- ىزدەستىرۋ شارالارى جۇرگىزىلۋدە»، - دەدى جەتىسۋ اۋداندىق پوليتسيا باسقارماسى باستىعىنىڭ ورىنباسارى اسحات داۆلەتياروۆ.
ەسكە سالايىق، بۇدان بولەك الماتىدا اعاشتاردى ورتەگەن ەر ادام مەن قىزداردى تۇنشىقتىرىپ، توناپ جۇرگەن جىگىت ۇستالدى.
