دەپۋتات مەديتسينالىق ساقتاندىرۋ قورىنداعى قاراجاتتى تەكسەرۋدى ۇسىندى

«دەپۋتاتتىق ساۋال جولداۋىمىزعا بيىل مەديتسينالىق ۇيىمداردى تولىق قارجىلاندىرۋ 2021-جىلمەن سالىستىرعاندا تولىق ەمەس بولۋى سەبەپ بولدى.

وسى تۋرالى ساۋالدارىمىزعا دەنساۋلىق ساقتاۋ مينيسترلىگى بەكىتكەن تاريفتەر مەديتسينالىق قىزمەت كورسەتۋگە بايلانىستى بارلىق شىعىنداردى تولىعىمەن جاباتىنى تۋرالى ايتىلعان جاۋاپ كەلدى. ءبىراق ول جاۋاپتا جاڭا تاريفتەردىڭ كالكۋلياتسياسى ۇسىنىلماعان.

2022-جىلعا ارنالعان دەنساۋلىق ساقتاۋ شىعىستارىنىڭ كولەمى 2021-جىلى بەكىتىلگەنىنە قاراماستان، مەديتسينالىق قىزمەتتەردىڭ ءتاريفى 2022-جىلدىڭ ناۋرىز ايىندا عانا بەكىتىلدى. ياعني، بيىلعى تاريفتەر بىلتىر بولىنگەن بيۋجەتكە قاراپ وتىرىپ، بەلگىلەي سالعان سياقتى»، - دەدى دەپۋتات.

ءماجىلىس دەپۋتاتى بۇل ۋاجىنە مىسال دا كەلتىردى.

«مىسالى، IV ساناتتاعى جەدەل جاردەم ءتاريفى ءبىر تۇرعىنعا 39 تەڭگەدەن باستالادى. بۇل شىعىنىڭ %30 ىن عانا جابادى. مۇنداي تارفيپەن الساق، جەدەل جاردەم قىزمەتىنىڭ ايلىق بيۋجەتى 1 ميلليون 59 مىڭ تەڭگە دەگەن ءسوز. مۇنداي بيۋجەتتەن ءارقايسىندا 2 ادام بار 6 بريگادانىڭ جالاقىسىن قالاي تولەۋگە بولادى؟ ونىڭ سىرتىندا تۇنگى كەزەكشىلىكتەردىڭ، ديسپەتچەرلەردىڭ ايلىعى جانە ءدارى-دارمەك، بەنزين، كوممۋنالدىق قىزمەت، كولىكتى كۇتىپ-ۇستاۋ شىعىندارى جانە بار»، - دەپ ءتۇسىندىردى گۇلدانا نۇرىموۆا.

ايتۋىنشا، وسىنداي ساياساتتىڭ سالدارىنان ءبولىنىپ جاتقان قاراجاتتىڭ %80 تەك جالاقىعا جۇمسالادى.

«ارينە، مەديتسينالىق ۇيىمداردىڭ دامۋىنا، زاماناۋي جابدىقتار ساتىپ الۋعا نەمەسە جوندەۋگە قاراجاتى جوق.

مەديتسينا قىزمەتكەرلەرى ەكى وتتىڭ ورتاسىندا قالىپ وتىر. ءبىر جاعادا وزدەرىنە تيەسىلى ساپالى مەديتسينالىق كومەك تالاپ ەتەتىن ساقتاندىرىلعان ازاماتتار، ال ەكىنشى جاعادا قارجىلاندىرۋ جوسپارىنان اسپاۋدى تالاپ ەتەتىن جانە ايىپپۇل سالاتىن الەۋمەتتىك مەديتسينالىق ساقتاندىرۋ قورى ەنتەلەپ تۇر.

وڭىرلەردەن قارجىلاندىرۋدىڭ جەتىسپەۋشىلىگىنەن كلينيكالاردا جوسپارلى ەمدەۋگە جاتقىزۋ كەزەگى ۇزارىپ كەتكەن. مىسالى، الماتى قالاسىندا جوسپارلى ەمدەلۋگە كەزەگى 2023-جىلدىڭ ناۋرىزىنا دەيىن قالىپتاسىپ قويعان»، - دەگەن دەپۋتات بىرنەشە ۇسىنىس ايتتى.

ولار:

1. مەديتسينالىق ۇيىمداردىڭ قارجى تاپشىلىعىن شۇعىل شەشۋ؛

2. بيۋجەت پەن تاريفتەردى بۇكىل ۇستەمەاقىلارعا (جالاقىنى كوتەرۋ، بىلىكتىلىك ساناتتارى ءۇشىن تولەمدەر، باعانىڭ ءوسۋى جانە ت. ب.) سايكەس جوسپارلاۋ جانە جاڭا قارجى جىلى باستالعانعا دەيىن تاريفتەردى قايتا قاراۋ؛

3. دەنساۋلىق ساقتاۋ مينيسترلىگى مەن الەۋمەتتىك مەديتسينالىق ساقتاندىرۋ قورىنىڭ بيۋجەتتى ۇتىمدى بولۋىنە ىشكى جانە سىرتقى اۋديت جۇرگىزۋ.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى