شاي ادام ءومىرىن ۇزارتۋعا كومەكتەسەدى

دەگەنمەن ا ق ش- تىڭ ۇلتتىق دەنساۋلىق ساقتاۋ ينستيتۋتى شايدىڭ زيانى بار ما الدە جوق پا دەگەن ساۋالدىڭ جاۋابىن تابۋ ءۇشىن بۇرىن-سوڭدى بولماعان ءىرى زەرتتەۋ جۇمىسىن جۇرگىزىپ، شاي پايدالى دەگەن قورىتىندىعا كەلدى.

ماماندار ۇلى بريتانيانىڭ بيوبانكىندە ساقتالعان 500 مىڭ ادامنىڭ دەرەكتەرىن تالداپ، شاي ءىشۋدى ادەتكە اينالدىرعانداردىڭ ءومىرى ونى ىشپەگەندەرمەن سالىستىرعاندا ۇزاعىراق بولعان. شامامەن عۇمىر جاسى 13 پايىزعا ۇزارعان ادامدار كوپ بولعان كورىنەدى.

بۇل - ازىرشە الەمدەگى ەڭ ۇلكەن زەرتتەۋ جۇمىسى. اعىلشىندار وتە شايقۇمار كەلەدى. سوندىقتان اعىلشىنداردىڭ دەرەگى زەرتتەۋگە الىنعان.

عالىمدار شايدىڭ قۇرامىندا انتيوكسيدانت پەن دارۋمەندەر مول بولاتىنىن ايتادى. بۇلار ادام دەنساۋلىعىن، اسىرەسە، يممۋنيتەتىن جاقسارتىپ، «جاقسى» حولەستەريندى كوبەيتەدى، ارتەريالدى قان قىسىمىن رەتتەپ، قانداعى قانت دەڭگەيىن تۇسىرەتىن كورىنەدى.

اعىلشىندار كۇنىنە 100 ميلليون كەسە شاي ىشەدى. ءبىراق قازىر الەمدە شايدىڭ ورنىنا كوفە باسىپ كەلەدى. كەيىنگى ۇرپاق كوفەمان بوپ بارادى.

ءبىر ايتا كەتەرلىگى، شايدى تاعاممەن ەمەس، بولەك وتىرىپ ىشكەن كوبىرەك پايدالى دەسەدى.

massaget.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى