الماتىدا اعاشتارعا وت قويعان ەر ادام ۇستالدى
«بەينەكامەرالار مەن كۋاگەرلىك جاۋاپ الۋدىڭ كومەگىمەن بوستاندىق اۋدانىندا بولعان ورتكە كىنالى كۇدىكتى ەر ادام انىقتالدى. بۇل - 1968-جىلى تۋعان ازامات. ول وت جاققانىن مويىندادى»، - دەلىنگەن پوليتسيا مالىمەتىندە.
ەر ادام ماس كۇيدە بولعانىن جانە كونسەرۆىلەردى جىلىتقىسى كەلگەنىن ايتقان.
«ءبىراق ءورت بۇتالارعا وتكەن، سول كەزدە ەر ادام قورىققانىنان وقيعا ورنىنان كەتىپ قالعان. وقيعانىڭ ءمان-جايى انىقتالاتىن بولادى»، - دەدى پوليتسيادان.
ەسكە سالايىق، كەشە كوكتوبە باۋرايىندا تۇتانعان ورتپەن كۇرەس ءجۇرىپ جاتقان ساتتە قالانىڭ وزگە اۋماعىندا اعاش اراسىندا وت جاعىپ جاتقان ەر ادامنىڭ ۆيدەوسى تاراعان بولاتىن. الماتى قالالىق پوليتسيا دەپارتامەنتى بوستاندىق اۋدانىنىڭ پوليتسيا باسقارماسى ۆيدەونى دەرەۋ تەكسەرۋگە كىرىستى.
«قازىر پوليتسيا قىزمەتكەرلەرى تەكسەرۋ جۇرگىزىپ جاتىر. قالانىڭ بەينەباقىلاۋ جۇيەلەرىنىڭ دەرەكتەرى تەكسەرىلەدى. وسى ارەكەتتى جاساعان ادام انىقتالىپ، جاۋاپقا تارتىلادى»، - دەلىنگەن بولاتىن پوليتسيا حابارلاماسىندا.
