قوستانايداعى ەگىستىكتەرگە زالال كەلسە، شىعىنى وتەلەدى – ا ش م

بۇل تۋرالى ق ر اۋىل شارۋاشىلىعى ۆيتسە-ءمينيسترى ءابىلقايىر تامابەك ايتتى، دەپ حابارلايدى قازاقپارات ءتىلشىسى.

«قوستاناي وبلىسىندا جەرگىلىكتى اكىمدىكتەردىڭ مالىمەتىنە سايكەس، بىردە-ءبىر اۋىل شارۋاشىلىعى جەرلەرى زارداپ شەككەن جوق. انىقتالعان اقپاراتتىڭ بارلىعى توتەنشە جاعدايلار مينيسترلىگى تاراپىنان تەك قانا ورمان قورى جەرلەرى دەگەن اقپارات بەرۋدە. قازىرگى تاڭدا قوستاناي وبلىسىندا توتەنشە جاعداي ەنگىزىلدى. ەگەردە اۋىل شارۋاشىلىعى ەگىستىكتەرى زارداپ شەگەتىن بولسا، تاۋار وندىرۋشىلەرگە زيان كەلسە، وندا توتەنشە جاعداي ەسەبىنەن ەرتەڭگى كۇنى شىعىندارى باعالانىپ، تولىعىمەن وتەلەتىن بولادى، - دەدى ءابىلقايىر تامابەك ورتالىق كوممۋنيكاتسيالار قىزمەتىندە.

ايتا كەتەيىك، بۇگىن ساعات 8.00 دەگى دەرەكتەرگە سۇيەنسەك، قوستاناي وبلىسىندا ورتەنىپ جاتقان ۋچاسكەلەر قالماعان، قالدىق وت وشاقتارىن ءسوندىرۋ جۇمىستارى جۇرگىزىلۋدە. ءتورت اۋماقتا (امانقاراعاي، لەسنوە، وزەرنوە جانە باعانالى اۋىلدارى) قاراۋىلداۋ شارالارى ۇيىمداستىرىلعان. ازداعان جاڭبىر جاۋعاندىقتان، اۋا ىلعالدىعى كۇشەيدى.

وڭىردە جالپى زارداپ شەككەن 18 بيزنەس سۋبەكتىسى بار. قالعاندارىنىڭ جانىپ كەتكەن مۇلكىنىڭ قۇنى ءالى ەسەپتەلىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى