يزرايل عالىمدارى كوروناۆيرۋستىڭ جارقاناتتاردان تارالعانىن جوققا شىعاردى
بۇل تۋرالى COVID-19 تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ تەلەگرام كانالىندا جاريالاندى، دەپ حابارلايدى قازاقپارات.
«ءبىز جۇرگىزگەن جان-جاقتى زەرتتەۋ جارقاناتتاردىڭ COVID-19 ىندەتىنىڭ تارالۋ كوزى بولۋى مۇمكىندىگىنە قاتىستى زور كۇمان تۋدىرادى»، - دەيدى زەرتتەۋ جەتەكشىسى.
عالىمداردىڭ پىكىرىنشە، جارقاناتتار باسقا سۇتقورەكتىلەر ءۇشىن قاۋىپتى دەپ سانالاتىن ۆيرۋستارمەن وڭاي كۇرەسۋگە مۇمكىندىك بەرەتىن وتە ءتيىمدى يممۋندىق جۇيەگە يە.
زەرتتەۋشىلەر كوروناۆيرۋستىڭ ەجەلگى كىشى تۇرلەرىنىڭ كوزى جارقاناتتار بولۋى مۇمكىن ەكەندىگى تۋرالى دالەلدەر بار بولسا دا، كوروناۆيرۋس پاندەمياسىنا قاتىستى بۇل نۇسقاعا سەنىمدىلىك جوقتىعىن العا تارتادى.
جارقاناتتاردا COVID-19 انتيدەنەلەرىنىڭ بولۋى ولاردىڭ ۇقساس اۋرۋعا شالدىققانىن جانە وعان يممۋنيتەتتى دامىتقانىن بىلدىرەدى، ءبىراق بۇل جانۋارلاردىڭ مۇنداي ۆيرۋستىڭ «رەزەرۆۋارى» ەكەنىن دالەلدەمەيدى.
