ۇلتتىق كينونى قولداۋ ورتالىعى نەشە جوبانى جۇزەگە اسىردى

بۇل تۋرالى ءماجىلىستىڭ جالپى وتىرىسىندا ق ر مادەنيەت جانە سپورت ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.

«2019 -جىلى العاش رەت قازاقستان رەسپۋبليكاسىنىڭ «كينوماتوگرافيا تۋرالى» زاڭى قابىلدانعان بولاتىن. بۇل وتاندىق كينونىڭ ساپاسىن ارتتىرىپ، باسەكەگە قابىلەتتىلىكتى جاڭا دەڭگەيگە كوتەرۋگە، جۇيەلى جاعداي جاساۋعا مۇمكىندىك بەردى.

وسىعان وراي مەملەكەتتىك ۇلتتىق كينونى قولداۋ ورتالىعى قۇرىلدى. اتالعان ورتالىق ۇلتتىق كينو ءوندىرىسى، پروكاتى، كورسەتىلۋى مەن ناسيحاتتالۋىنا بيۋدجەتتىك جانە بيۋدجەتتەن تىس قاراجاتتى بولۋمەن اينالىسادى. بيىلدىڭ وزىندە ورتالىق 62 جوباعا قولداۋ كورسەتىپ، ونىڭ ىشىندە 18 تولىق مەتراجدى كوركەم فيلم، 19 دەرەكتى، 17 قىسقا مەتراجدى جانە 8 انيماتسيالىق فيلمنىڭ جارىققا شىعۋىنا جول اشىپ وتىر»، - دەدى داۋرەن ابايەۆ.

ونىڭ ايتۋىنشا، قارجىلاندىرۋ تۋرالى شەشىم ساراپتاما كوميسسياسىنىڭ قورىتىندىسى نەگىزىندە قابىلدانادى. اتالعان كوميسسيانىڭ قۇرامىنا كينوماتوگرافيا قاۋىمداستىعىنىڭ بەدەلدى مۇشەلەرى كىرەدى.

«سونىمەن قاتار، قولدانىستاعى زاڭنامامەن قازاقستاندا فيلمدەر تۇسىرەتىن شەتەلدىك كينوستۋديالارعا سۋبسيديالاردى جارتىلاي قايتارۋ قاراستىرىلادى. بۇل جەردە ريبەيت تۋرالى ءسوز ەتىپ وتىرعانىمىزدى ايتا كەتكەن ءجون»، - دەدى مينيستر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى