اتىراۋدا سوڭعى ەكى جىلدا العاش رەت ۇشەم دۇنيەگە كەلدى

اتىراۋ وبلىستىق پەريناتالدىق ورتالىعىندا 22 جاستاعى ايانگۇل ءسابيتوۆا ۇشەمدى دۇنيەگە اكەلگەن.

8- قىركۇيەك - وتباسى كۇنى قارساڭىندا جارىق دۇنيە ەسىگەن اشقان نارەستەلەردىڭ ۇشەۋى دە ۇل. سابيلەردىڭ ەكەۋىنىڭ سالماعى - 1 كەلى 800 گرام، ءۇشىنشىسى - 2 كەلى 200 گرام.

«قازىر جاس انانىڭ دا، نارەستەلەردىڭ دە جاعدايى جاقسى. ۇشەم اناسىنىڭ قاسىنا شىعارىلدى. جاس اناعا نارەستەلەردى كۇتىپ- باعۋعا، ەم-دوم جاساۋعا ارنايى مەدبيكەلەر ءبولىندى. سابيلەر پەرزەنتحانا دارىگەرلەرىنىڭ باقىلاۋىنا الىنعان. ازىرگە ۇيگە قاشان شىعاتىنى بەلگىسىز»، - دەدى پەريناتالدى ورتالىقتىڭ شالا تۋعان نارەستەلەر پاتولوگياسى، II كەزەڭ كۇتىم بولىمشەسىنىڭ مەڭگەرۋشىسى تۇرلەن بەگەيەۆا.

جاس اناعا جۇكتىلىكتىڭ 34-اپتاسىندا كەسار تىلىگى ارقىلى وتا جاسالعان.

شۇعىل وتاعا ورتالىق ديرەكتورىنىڭ ورىنباسارى، بىلىكتى اكۋشەر-گينەكولوگ دارىگەر اسقار كەنجەعاليەۆ جەتەكشىلىك ەتكەن.

اتىراۋ وبلىسىندا جىل باسىنان بەرگى سەگىز ايدا 11333 ءسابي دۇنيەگە كەلگەن.

ونىڭ ىشىندە 114 ەگىز بار. بىلتىرعى وسى كەزەڭدە 109 ەگىز جارىق دۇنيە ەسىگىن اشقان. ال، ۇشەم بيىل العاش رەت تىركەلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى