يۋري يلين ءورت سوندىرۋشىلەردىڭ الەۋمەتتىك جاعدايى قالاي جاقساراتىنىن ايتتى
«مەملەكەت باسشىسى تىكۇشاقپەن ارالاپ شىققان كەزدە ءبىز بەن ءسىز تاپ بولىپ وتىرعان بۇكىل پروبلەمالىق ماسەلەلەردى ايتتىم. بۇل - ەڭ الدىمەن جالاقىنىڭ تومەندىگى، الەۋمەتتىك توپتامانىڭ جوقتىعى. سىزدەر قىزمەتكە كەلگەن كەزدە ۇيدەن الىپ كەلگەن ازىق- تۇلىكپەن تاماق جاساپ ىشەسىزدەر. مەملەكەت باسشىسى قولداپ، ۇكىمەتكە جالاقىنى كوتەرۋ ماسەلەسىن قاراستىرۋدى تاپسىردى. سوندىقتان ەرتەڭ ۇكىمەت وتىرىسى بولعان كەزدە جالاقىنى كەزەڭ- كەزەڭىمەن كوتەرۋگە كۇش سالامىز. بىردەن كوپ اقشا بولادى دەپ ايتا المايمىن. ول ەش ۋاقىتتا كوپ بولمايدى»، - دەدى مينيستر.
سونىمەن قاتار يۋري يلين قورعانىس مينيسترلىگى قىزمەتكەرلەرى سياقتى ءورت سوندىرۋشىلەر دە پاتەر جالداۋعا وتەماقى الۋى، توتەنشە جاعدايلار كەزىندە تاماقپەن قامتاماسىز ەتىلۋى سىندى ماسەلەلەر دە قاراستىرىلاتىنىن ايتتى.
«ماتەريالدىق- تەحنيكالىق جاراقتاندىرۋ ماسەلەسىن دە قايتادان تاعى ءبىر قارايمىز. ياعني، جاڭا تەحنيكامەن، كيىم- كەشەكتەن جابىقتاۋ ۇنەۋى جاڭارتىلىپ وتىرۋى كەرەك. مەملەكەت باسشىسى وسىنداي تاپسىرمالار بەردى. ءبىزدىڭ بولىمشەلەرىمىزدىڭ جۇمىسىن جوعارى باعالادى»، - دەدى ول.
