قازاق كينوسى رەسەي پروكاتىنا شىعادى

پروديۋسەرى گۇلنار سارسەنوۆانىڭ ايتۋىنشا، ەۋروپادا بۇل كارتينانى جىلى قابىلدادى. رەسەي كورەرمەندەرىنىڭ دە كوڭىلىنەن شىعادى دەگەن ۇمىتتە.

گۇلنار سارسەنوۆا، پروديۋسەر:

- فيلم ءبىر جارىم مىڭ ەكراندا كورسەتىلەدى. بۇل قازاقستانداعىدان 5 ەسە كوپ. رەسەي كورەرمەنى ونى اسىعا كۇتىپ وتىر. كومەديا ەمەس، ادامدى ويلاندىراتىن دراما. بۇل مەن تۇسىرگەن پاتريوتتىق العاشقى فيلم. يانا سكوپينا تۇسىرگەن «جاقىندا جاز بىتەدى» فيلمىنىڭ جەلىسى كوپ ۇلتتىڭ وكىلى تۇراتىن اۋلانىڭ تىنىسىمەن ءوربيدى.

يانا سكوپينا، رەجيسسەر:

- العاشقى قاراجاتتى قازاقستاننان الدىق. رەسەي مادەنيەت مينيسترلىگى دە قارجىسىن قوسىپ، ەكى ەلدىڭ بىرلەسكەن ءونىمى شىقتى. 90 -جىلدارداعى ءبىر بالانىڭ حيكاياسى جەلىسىمەن تۇسىرىلگەن. سول كەزدە بارشا جۇرت كاشپيروۆسكي، چۋماككا قۇمار بولاتىن. باس كەيىپكەرى دە گيپنوزبەن اينالىسقان. كەڭەس وداعى ىدىراۋى الدىنداعى جانە كەيىپكەردىڭ دە بالالىق شاعىنىڭ سوڭعى جازى بەينەلەنەدى. قازاقستاندىق فيلمدەردىڭ رەسەيدەگى تۇساۋكەسەرى ماسكەۋ حالىقارالىق كينوفەستيۆال اياسىندا ءوتتى.

نينا كوچەليايەۆا، م ح ك ف ىرىكتەۋ كوميسسياسىنىڭ مۇشەسى:

- جاس رەجيسسەرلەردىڭ شىعا باستاعانى قۋانتادى. ولاردىڭ بولاشاعى زور دەپ ويلايمىن. «نارتاي» رەسەيدە پروكاتقا قىركۇيەك ايىنىڭ ورتاسىندا، ال «جاقىندا جاز بىتەدى» فيلمى قازان ايىنىڭ سوڭىندا شىعادى.

كەزىندە جەرگىلىكتى كينوتەاترلار كونتەنتىنىڭ 80 پروتسەنتىن قۇراعان گولليۆۋدتىك فيلمدەر رەسەيگە ساتىلمايتىن بولدى. سونىڭ ارقاسىندا قازاق ستۋديالارىنىڭ تۋىندىلارىنا بۇل ەلدىڭ ەكراندارىنا جول اشىلدى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى