مامين نىعماتۋللين جانە جاقسىبەكوۆپەن كافەدە وتىرعان سۋرەتىنە قاتىستى پىكىر ءبىلدىردى
بۇرىنعى شەنەۋنىكتەردىڭ سۋرەتى بىرنەشە ب ا ق پەن Telegram-ارنالارىندا پايدا بولدى. اسقار مامين سۋرەت شىن ەكەنىن جانە ول نۇر-سۇلتاندا تۇسىرىلگەنىن راستادى.
«راسىندا، وتكەن جەكسەنبىدە (4- قىركۇيەك) نۇر-سۇلتانداعى مەيرامحانالاردىڭ بىرىندە تۇسكى ۋاقىتتا جاقىن تۋىستارىم ۇيىمداستىرعان قازاقتىڭ سالت-داستۇرىنە ساي («سىرعا سالۋ») شارا ءوتتى»، - دەدى مامين.
«سۋرەت تۋرالى كەيبىر ب ا ق- تا ايتىلعان بولجامداردى ورىنسىز جانە ارانداتۋ دەپ سانايمىن. ەلىمىز قازىر دامۋدىڭ، ونىڭ ىشىندە ساياسي ترانسفورماتسيانىڭ تاريحي كەزەڭىندە تۇر. وسىعان وراي، وسىنداي شەشۋشى كەزەڭدە مەملەكەت باسشىسىنىڭ توڭىرەگىنە توپتاسىپ، ارانداتۋشىلار مەن دەسترۋكتيۆ ماقساتتاعى ادامدارعا ەشقانداي مۇمكىندىك بەرمەۋ كەرەك دەپ ەسەپتەيمىن»، - دەپ تۇيىندەدى ءسوزىن.
