قوستاناي وبلىسىنداعى دالا ءورتىن بۇگىن- ەرتەڭ تولىق سوندىرەمىز - يۋري يلين
«جەل كوتەرىلىپ، ءورت ودان سايىن ءورشىپ كەتتى. ەلدىمەكەن تۇرعىندارى ەۆاكۋاتسيالاندى. ءدال قازىر اۋىلدارعا قاۋىپ جوق. ءتىلسىز جاۋمەن كۇرەستە جەر جانە اۋە قىزمەتى قوسا جۇمىس ىستەپ جاتىر. ءتورت بىردەي تىكۇشاق ىسكە قوسىلدى»، - دەدى يۋريي يلين تىلشىلەردىڭ سۇراعىنا جاۋاپ بەرە تۇرىپ.
ءمينيستردىڭ ايتۋىنشا، قوستاناي وبلىسىنداعى ورتپەن كۇرەستە بىرنەشە قۇزىرلى مەملەكەتتىك ورگان جۇمىلا جۇمىس ىستەپ جاتىر.
«ءورتتىڭ اۋماعى بىرنەشە ونداعان گەكتاردى قۇرايدى. قارقىندى جۇمىستىڭ ارقاسىندا ءتىلسىز جاۋدىڭ بەتىن قايتارامىز دەگەن ويدامىن. امانقاراعاي ەلدىمەكەنى ەرەكشە نازاردا، ءورتتىڭ قايتا تۇتانباۋىن ارنايى قىزمەت قاداعالاپ وتىر. سەبەبى جەلدىڭ بەتى قايتپاي تۇر. بۇگىن، ەرتەڭ ءورتتى تولىق سوندىرەمىز دەپ وتىرمىز. ودان ءارى ورمان شارۋاشىلىعى كوميتەتىنىڭ قىزمەتكەرلەرى جاعدايدى باقىلايدى»، - دەيدى ول.
ەسكە سالساق، قوستاناي وبلىسىندا 2- قىركۇيەكتەن باستاپ ورتپەن كۇرەس ءجۇرىپ جاتىر.
ايتا كەتەيىك، مەملەكەت باسشىسى قاسىم- جومارت توقايەۆ قوستاناي وبلىسىندا ورمان ورتىنەن زارداپ شەككەندەرمەن كەزدەسكەن ەدى.
اۆتور
داۋلەت ىزتىلەۋ
