پرەزيدەنت ۇيىنەن ايىرىلىپ قالعان قوستانايلىقتىڭ ماسەلەسىن جەكە قاراۋعا ۋادە بەردى

ارىزدانۋشىلاردىڭ اراسىندا قوستانايداعى ۇيىنەن ايىرىلىپ قالعان جىگىت تە بولدى.

«قوستاناي قالاسىنىڭ اكىمدىگى ارقىلى ءۇيىمىزدى جالعان قۇجاتپەن ساتىپ جىبەرگەن. ءبىرىنشى قالالىق سوتقا، ودان كەيىن وبلىستىق سوتقا جۇگىندىك. سوت ءتىپتى ماسەلەنىڭ انىق-قانىعىن تارازىلاعان دا جوق. جوعارعى سوتقا جۇگىنىپ ەدىك، ءوتىنىشتى قابىلداعان جوق. كومەكتەسۋىڭىزدى وتىنەم»، - دەدى تۇرعىن.

تۇرعىننىڭ ايتۋىنشا، ءۇيدىڭ شىنايى قۇجاتى ءوزىنىڭ قولىندا.

«اتامىز قايتىس بولعاندا اقىماقتىق جاساپ، ءۇيدى بىردەن ءوز اتىمىزعا اۋدارماي ءجۇرىپ قالدىق. ارادا 10 جىل ءوتىپ كەتكەن. ءبىراق ءبارىمىز تۇگەل سول ۇيدە تۇرىپ جاتتىق. اي سايىن كوممۋنالدىق قىزمەت اقىسىن تولەپ كەلدىك. كوممۋنالدىق قىزمەتتەر انام ەلەنا شاريفۋددينوۆانىڭ اتىنا راسىمدەلگەن نەگىزى. ەكى جىل بولدى، بۇكىل يستانتسيالارعا ارىزداندىق. پروكۋراتۋراعا دا جۇگىنىپ جاتىرمىز. سىزگە دە ەلەكتروندى ءوتىنىش جازدىق. ءبىراق ازىرگە ءجوندى جاۋاپ المادىق»، - دەدى ارىزدانۋشى.

پرەزيدەنت اتالعان ءىستىڭ انىق-قانىعىنا ءوزى جەتەتىنىن ايتىپ، تۇرعىننىڭ كوڭىلىن جايلاندىردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى