قوستانايداعى قارۋ- جاراق دۇكەنىندە بولعان جارىلىس: قازا تاپقانداردىڭ ەسىمى جاريالاندى
بۇگىن كوز جۇمعانداردىڭ ەسىمى جانە وقيعانىڭ كەيبىر ءمان- جايى انىقتالدى، دەپ حابارلايدى قازاقپارات ءتىلشىسى.
«3-قىركۇيەكتە قوستانايدا «ورۋجەينايا پالاتا« دۇكەنىنىڭ تۋريزمگە ارنالعان بولىگىندە جارىلىس بولىپ، قاتتى ءورت شىقتى. عيمارات شاتىرى مەن قابىرعالارى قۇلادى. عيمارات تولىعىمەن جانىپ كەتتى. اڭشىلىققا ارنالعان ۇنتاقتالعان وق- ءدارى دە، دۇكەننىڭ باسقا دا تاۋارلارى مۇنداي كۇشتى جارىلىستىڭ شىعۋىنا تۇرتكى بولا الماعانى انىق. بۇگىندە وقيعانىڭ ءمان- جايى انىقتالۋدا، تەرگەۋ ءجۇرىپ جاتىر. وكىنىشكە قاراي، قارۋ- جاراق دۇكەنىنىڭ قىزمەتكەرلەرى مەن كەلۋشىلەر زارداپ شەكتى»، - دەلىنگەن دۇكەننىڭ Instagram-داعى پاراقشاسىندا.
دۇكەندە قازا تاپقانداردىڭ سۋرەتتەرى مەن ەسىمى جاريالاندى. ولار - ساتۋشى- كەڭەسشىلەر ەفيموۆ، الەكساندر نيەۆودنيچي، تەمىرلان مۇرزابەكوۆ جانە قارۋ- جاراق شەبەرى ۆياچەسلاۆ كراۆچەنكو.
«اۆاريالىق- قۇتقارۋ جۇمىستارى 15 ساعاتقا سوزىلدى. سەگىز زارداپ شەگۋشىگە مەديتسينالىق كومەك كورسەتىلدى. دۇكەنگە كەلگەن بەس ادام، ساتۋشى- كەڭەسشى نەكراسوۆ نيكيتا يۋريەۆيچ جانە كاسسير دۋجيك سۆەتلانا ۆلاديسلاۆوۆنا امبۋلاتوريالىق ەمدەلۋدە. ديرەكتور بەسكروۆنىي سەرگەي ۆاسيليەۆيچ اۋىر حالدە جانساقتاۋ بولىمىندە جاتىر»، - دەلىنگەن مالىمەتتە.
