شىعىس قازاقستاندا سوتتالعان ەر ادام ۇزاق جىل ساقتاعان قۇپياسىن ايتتى
ش ق و ق ا ج د و ۆ-156/6 مەكەمەسىنىڭ جەدەل ءبولىمىنىڭ قىزمەتكەرلەرى شەمونايحا پ ب جانە پەرۆوماي كەنتىنىڭ پوليتسيا ءبولىمى قىزمەتكەرلەرىمەن بىرلەسىپ، قاراۋسىز قالعان عيماراتتا جاسىرىلعان قارۋدى تاركىلەۋ بويىنشا ءىس-شارا وتكىزگەن.
بۇل قارۋ تۋرالى قاۋىپسىزدىگى جوعارى تۇزەۋ مەكەمەسىندە جازاسىن وتەپ جاتقان، 10 جىلعا باس بوستاندىعىنان ايىرىلعان يۋ. ەسىمدى ەر ادام ايتقان.
«بۇرىن بوستاندىقتا جۇرگەندە، دوسىمدى كەزدەستىردىم، ەكەۋمىز ءبىر بوتەلكە سىرا ساتىپ الىپ، بۇزىلعان عيماراتقا باردىق. ونىڭ قولىندا ماتاعا ورالعان زات بولدى، مەن ودان «بۇل نە» دەپ سۇرادىم. ول ماعان «بۇل مىلتىق« دەپ جاۋاپ بەردى جانە ونى قاجەت بولعان كەزدە الىپ كەتۋ ءۇشىن جاسىرۋعا كەلگەنىن ايتتى. ول قاراۋسىز قالعان عيماراتتا مىلتىقتى جاسىرىپ، تاستار مەن قابىرعا قوقىستارىن لاقتىرىپ، بەتىن ءۇيىندى توپىراق تاستاپ، تاستارمەن جاۋىپ كەتتى. سودان كەيىن ۇيىمىزگە قايتتىق، التى ايدان كەيىن جازدا مەنى تەرگەۋ يزولياتورىندا جاڭا قىلمىستىق ءىس بويىنشا قاماۋعا الدى. سول ۋاقىتتان بەرى ول تانىسىمدى كورمەدىم. بالالار مەن جاس وسپىرىمدەردىڭ ءبىز جاسىرىپ كەتكەن قارۋدى تاۋىپ العانىن قالامايمىن»، - دەيدى سوتتالۋشى.
ش ق و بويىنشا پ د شەمونايحا اۋدانى ءى ءى ب پەرۆوماي كەنتىنىڭ پوليتسيا ءبولىمىنىڭ قىزمەتكەرلەرى وسى دەرەك بويىنشا ق ر قىلمىستىق كودەكسىنىڭ 287-بابىندا كوزدەلگەن قىلمىستىق قۇقىقبۇزۋشىلىق بەلگىلەرى بويىنشا سوتالدى تەرگەپ-تەكسەرۋ امالدارىن باستاعان. ساراپتاما قورىتىندىسىنا سايكەس، تاركىلەنگەن قارۋ تەگىس ۇڭعىلى اڭشى مىلتىعى ەكەنى انىقتالعان ءارى اتۋعا جارامدى بولىپ شىققان.
