ىشكى ىستەر مينيسترلىگى ارىستانبەك مۇحامەدي ۇلىنىڭ «سۋيتسيد ارەكەتىنە» قاتىستى مالىمەت بەردى
الەۋمەتتىك جەلى مەن كەيبىر اقپارات قۇرالدارىندا ۇلتتىق مۋزەيدىڭ ەكس-ديرەكتورى، وعان دەيىن مادەنيەت جانە سپورت مينيسترلىگىن باسقارعان ارىستانبەك مۇحامەدي ۇلىنىڭ قاماۋدا ءوز-وزىنە قول سالماق بولعانى تۋرالى اقپارات تارادى.
قىلمىستىق-اتقارۋ جۇيەسى كوميتەتىنىڭ باسپا ءسوز قىزمەتى ول اقپاراتتا جاڭساقتىق بار ەكەنىن ءمالىم ەتتى.
«ارىستانبەك مۇحامەدي ۇلى سۋيتسيد جاساماق بولدى. ءبىراق بۇل 2022-جىلدىڭ مامىر ايىندا، ەكس-ديرەكتور ۋاقىتشا ۇستاۋ يزولياتورىندا بولعان كەزدە ورىن العان»، - دەيدى كوميتەتتىڭ باسپا ءسوز قىزمەتىندەگىلەر.
ەسكە سالساق، 29- مامىردا سىبايلاس جەمقورلىققا قارسى ءىس-قيمىل اگەنتتىگى سوت سانكسياسىمەن ۇلتتىق مۋزەي ديرەكتورى ارىستانبەك مۇحامەدي ۇلىنا قاتىستى «كۇزەتپەن ۇستاۋ» بۇلتارتپاۋ شاراسى تاڭدالعانىن ءمالىم ەتكەن ەدى.
ال 26- تامىزدا اتالعان تۇلعانىڭ مينيستر كەزىندەگى تۋىستارىنا قاتىستى ارەكەتتەرى تەرگەلىپ جاتقانى ايتىلدى.
