ءۇستىرت قورىعىندا قاراقۇلاقتار فوتوتۇزاققا ءتۇسىپ قالدى
ماماندار ونى عىلىمي-زەرتتەۋ جۇمىسى جانە رەيد بارىسىندا كورگەن، دەپ حابارلايدى قازاقپارات ءتىلشىسى.
«قۇلاعىنىڭ ۇشى قارا، جەلپىنشەگى بار بۇل اڭ - قاراقۇلاق. ءۇستىرت قورىعىنىڭ اۋماعىندا بۇرىننان بار. بۇل جىرتقىشتىڭ ناقتى سانى ءالى بەلگىسىز، ءبىراق جىلدان جىلعا ازايىپ بارادى. سوندىقتان قورعاۋعا الىنىپ، حالىقارالىق تابيعاتتى قورعاۋ وداعى مەن قازاقستاننىڭ «قىزىل كىتابىنا» ەنگىزىلگەن. ماڭعىستاۋدا قاراقۇلاقتاردى قاراقيا-قاراكول قاۋمالىنان، ءۇستىرت قورىعىنان جانە قورىق ماڭىنان كەزدەستىرۋگە بولادى»، - دەيدى ءۇستىرت قورىعى ديرەكتورىنىڭ عىلىمي جۇمىستار جونىندەگى ورىنباسارى جاسقايرات نۇرمۇحامبەتوۆ.
