ا ق ش- تا ىشەك تاياقشاسى ىندەتى انىقتالعاندار كوپ

اۋرۋدىڭ كوبەيۋى ينديانا، ميچيگان، وگايو جانە پەنسيلۆانيا شتاتتارىندا تىركەلدى. جۇما كۇنى تىزىمگە نيۋ- يورك پەن كەنتۋككي قوسىلدى.

بيلىكتىڭ مالىمەتىنشە، التى شتاتتا تىركەلگەن ناۋقاستاردىڭ سانى 97 ادامدى قۇرادى. 43 ادام اۋرۋحاناعا جاتقىزىلدى، ونىڭ 10 ىنىڭ جاعدايى اۋىر. قۇربانداردىڭ ەڭ كوپ سانى ميچيگان شتاتىندا - 58 ناۋقاس. الايدا، جۇقتىرعاندار سانى ودان دا كوپ بولۋى مۇمكىن.

ىندەتتىڭ كوزى انىقتالماعانىمەن، اۋرۋلاردى باقىلاۋ جانە الدىن الۋ ورتالىقتارى ناۋقاستانعان 10 ادامنىڭ 8 گە جۋىعى اپتا ىشىندە Wendy's دۇكەنىنەن تاماقتانعانىن حابارلادى. تاپسىرىستارىن ەسكە تۇسىرگەندەردىڭ باسىم كوپشىلىگى رومەن قىرىققاباتى قوسىلعان بۋتەربرود پەن گامبۋرگەر جەگەندەرىن ايتتى.

پىشىنىنە بايلانىستى ىشەك تاياقشاسى ديارەيا، ءزار شىعارۋ جولدارىنىڭ ينفەكسياسى، تىنىس الۋ پروبلەمالارى، پنيەۆمونيا جانە باسقا دا اسقىنۋلاردى تۋدىرۋى مۇمكىن.

بيلىك ىندەت وشاعىن انىقتاۋ جۇمىستارى جۇرگىزىلىپ جاتقانىن ايتادى. قايتىس بولعاندار تۋرالى اقپارات تۇسكەن جوق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى